Galasya 2:2 - Fanawbuid tagsibaliwas Fakayabian

² Anfoli kway sas Erusalem aroro Dius nafasaful angku te, sanyai fag furuan. Ay gina au sanya, nafayamag au sa sangay tagfangguna sabaliwa at Masine fag Barita ku nafoyung sas yud Udyu fag ngay taw. Ay nafakamatoan au anya fagayu gina yud sanya tibak taw, aroro kwa kaylat nu dway ban e tungkul ku nainlufuyan at kinlangfe ay anggan katsi.

Galasya 2:2 ပူးပေါင်းရင်းမြစ်များ

Takamoyung 10:1

Nu setain sik lango at kinbul nu mafabasung sik bubug famaebebanglu, katanya yangay fagyudun mamatanganan, marasras way fagsafulun ay fagmatuyanun.

Mateu 10:16

“Katsi gsugu au ayu kata sik ngay tupa sas wa idu talun. Ay am, mamatangani tua kata ule nu mamatanganan, ay katai yangay sik labikung nu magup.

Fakamulun 15:12

Ay fagayu tagsanya nu nadungug takatanya, namaragangan way lang. Ay kanya fagayu nadungugan Pablu ay Bernabe nu gfansulitan sabaliwas Dius at nafakamulun sa anya fagayu gina duama magamut sis yud Udyu fag ngay taw. Duama nafakamulun at ngay madulo ay at mabalyanan tagfatuyan te, Dius si anya.

Fakamulun 15:2

Nu katanya, Pablu ay Bernabe gfabadbaboan kanya fag ngay taw tagsiginans Udea. Ay ngay tagafanud sis Antiukya nafili Pablu ay Bernabe laman glao sas Erusalem gadgaloan tibak tagafanud ay namakamatoan sanya fag ngay nasugu ay fag ngay fagtainan sabaliwa nu gfae fakatoglagan.

Fakamulun 15:4

Ay kanya fagayu nu ndasug sas Erusalem, sanya fag ngay tagafanud, ngay nasugu ay at ngay fagtainan, guseganan gfasakbo anya fagayu. Sanya ginan, Pablu ay Bernabe nafoyung sabaliwa Dius at ngay nafakamulun.

Fakamulun 18:9

Sik yabi, tam Fun naringang sas Pablu sa sik taginfan te, “Lag kalimu, ay lag gfaragang nu kamoyung o.

Fakamulun 23:11

Ginanya fag yabi tam Fun malindug sis Pablu at day tigyangan ay glong te, “Faksvni am amatanganan. Nusnga setaw yay nu gfoyung o ku longan iste sis furuan Erusalem, katanyai yangay ban am fakamulun sas furuan Ruma.”

Fakamulun 5:34

Dewa katanya, Gamaliel fag taw Fariseu, ay tagfoyung Muisis at Faugali ay fagayu taw at fagsuyuun, anlindug si sangay tagfangguna at daga salubangan ay gsugu te, “Faduksuni yap kanya fag ngay taw.”

Ruma 9:16

Nu katanya, Dius at algan bundi siginan taw at fakaylatun ay at fakamulun, nu bunway siginan tuas Dius at fakafanyun.

1 Kurintu 1:23

Ay dewa katanya, em foyungan sabaliwa tam Fun Isus at natuktukan sas fasulungan kayu, kata way sik fakataidan sa sangay taw Udyu, ay we tungkul sas yud Udyu fag ngay taw.

1 Kurintu 2:2

Ku algan ku fagfoyungun sa ayu we tiba nu bunway sa way lang baliwas Isus tam Fun at nabulanan sas fasulungan kayu.

1 Kurintu 9:24

Nasaful wam te, fagayu taggudgunan gtarung, ay dewa katanya, sadi way tagbabo. Nu katanya, fasinei fia nu gtarung am laman ban mababo tuam.

1 Kurintu 9:26

Nu katanya, gtarung au sat matuyan fia fag fakadasugan. Ay kata sik taw tagawean tagfalang at daluap sat usama, nu gfugfug au, kdi gfasas tagmara.

2 Kurintu. 12:1

Katsi nanfamatungudun au, dewa au nasaful te, takatanya we tungkul. Nanlong au sa ayu sabaliwa sik ngay taginfan ay sik ngay foyungan siginan tam Fun.

Galasya 1:12

Ay bundi taw at nafoyung angku, tam Fun Isus tua.

Galasya 1:16

Kanya nafasure sa angku at Baguama laman nanfamoyung au at Masine fag Barita sas yud Udyu fag ngay taw. Ay gina Dius nafasure sa angku takatanya, kwa nananginto sas nusnga sinu.

Galasya 1:6

Ku ngay faduksay, kadulo au te, at kasakit nu gubun am Dius, at nauro ay at nafili ayu siginan tam Fun Isus at fagmagalangun sa ayu. Kanya tua at Masine fag Barita. Dewa katanya, katsi nafaning way am sik bagu fag foyungan ay namatangan te, kanya wan at masine fag barita.

Galasya 2:6

Dewa katanya, ngay tagafanud at ngay tagfangguna we nafamut ya ku foyungan. Baliwan nu sa angku, nusnga sinu fag taw gsud way, aroro Dius we fagfili.

Galasya 2:9

Santiagu ay Pedru ay Uan at ngay kintoglag te, tagafanud at ngay fagtainan, nasaful wa te, Dius nafon yangay angku fagmakatuun laman kamoyung kyangay at Masine fag Barita. Nu katanya, kanya fag tulu naylat emi Bernabe laman at nanfamoyung yangay at Masine fag Barita. Ay nadiuganan ami te, ami Bernabe at nanfamoyung sas yud Udyu fag ngay taw, ay Santiagu ay Pedru ay Uan at nanfamoyung sa sangay taw Udyu.

Galasya 5:7

Ebi masine oma ay ngay fakamulun. Sinu at nasalag nu gfakamulun am at matuyan?

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Filipus 2:29

Aylati fia nu ndasug sanya, aroro kanya tam faduksay sa tam Fun. Ay suyui yangay tibak taw takata anya.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

2 Timuteu 4:7

Naugatan au fia nafabadbaboan. Ay nafatabu ktua ku fagtarungun, ay nu gbanwan au, matuyan ktua gugat.

Ebreu 12:1

Nu katanya, dakngani maligung tam ngayuk taw tagfatuyan, gubun watam fagayu tagsalag antam ay tam asalanan tagfatawad gugat antam, ay gugatan tua tam gfataglayun gafanud, kata nu ggudgunan tam.