Filipus 4:7 - Fanawbuid tagsibaliwas Fakayabian

⁷ Nu katanya, Dius at yud e gfasud at fagmanabayanun tagdiri ay amatanganan siginan ay fagmasadiun sa tam Fun Isus.

Filipus 4:7 ပူးပေါင်းရင်းမြစ်များ

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Ub 22:21

Faningi Dius ay asadii sa anya, laman kanya gfon emu fagmabayanun.

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Alubad. 29:11

Yawi gfon fagmabitsugun sat ngay taw ay gfon yangay fagmanabayanun.

Alubad. 85:8

Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

Fangatulun 2:11

Nu saful tuo gtogdungug ay saful gamatangan at kasakan, kanya tagdiri emu.

Fangatulun 4:6

Lag o kauri fagsafulun, nu bunway esugi tua, aroro kanya tagdiri emu.

Fangatulun 6:22

Kanya wan tagfoyung ay tagdiri ay tagfamatang emu kaduge o gbanwan, dewa nusnga setaw am fakamulun.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 48:22

Dewa katanya, Yawi glong te, “At mauri ban fag taw we fagmanabayanun.”

Eremyas 32:16

Ay nu nafon kwan em nasadian sas Baruk, Nerya at baguama, nadarangin au te,

Eremyas 33:6

“Dewa katanya, sik menit ban namadasug au fagmafianun stae fag furuan daul ay sat ngay tagbanwan. Ay kanya ban fag ngay taw nu gbanwan maramraman tua ay manabayan.

Tap 6:26

ay guseganan nangus ayu ay gfae fagmanabayanun.’

Lukas 1:79

laman nandamlag ngay taw tagsi yay sad dulum, ay takalimu sas fakabulun, ay laman namoyung ban antam, laman tam darafa lumao sat manabayan fag dalan.”

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Uan 16:33

Nafoyung au ayu takatanya laman e fagmanabayanun tuam siginan ay fagmasadiun sa angku. Dumalan ban am fagidapun ste swa daga, ay dewa katanya, faksvni ay amatanganan, aroro nababo kwan at mauri ste swa daga.”

Ruma 1:7

Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 5:1

Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus.

Ruma 8:6

Tagamatangan gugat sabaliwa at bilug at fakaylatun, at fakadasugan ban sa ways fakabulun. Ay tagamatangan tua gugat sabaliwa at Masine fag Falad, kanya ban e leleg tua ay e fagmanabayanun.

2 Kurintu. 10:5

Ay grasras ami nusnga setaw fag famabadbaboan ay fagayu takamatungudun laman gsalag tibak taw nu kae fagsafulun sabaliwas Dius. Ay gtaban ami fagayu taw laman gfaning tua tam Fun Isus.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 3:19

Ay laman sumaful am tam Fun Isus at fakesugun, dewa tam yud nasaful fagdaul at fakesugun. Nu katanya tua, umtayuk wam fia fagdaul Dius at fagmadiusun.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 1:2

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Filipus 4:19

Ay ku Dius yangay tagfon ayu ay fagayudanun fagayu, siginan at fagmaramramanun ay at fagmasineun at yud kamin kabavn siginan tam Fun Isus.

Filipus 4:21

Longi sas Dius at ngay nafili fagayu, ngay tagafanud sa tam Fun Isus te, O manabayan tuam? Ay anggan tam ngay faduksay ku ufud, katanya yangay at longan sa ayu.

Filipus 4:9

Fakamuluni fagayu ay nasaful, ay nabul, ay ay nadungug, ay ay nalag siginan angku. Nu katanya tua ay fakamulun, Dius takamon fagmanabayanun si tua ayu.

Kulusas 3:15

Fabanwani si ay ngay amatanganan fagmanabayanun siginan tam Fun Isus. Aroro siginan at nauroan ayu, antap am te, tam Fun Isus am at bilug at ngay afud. Ay kabavn useganani.

2 Tesalunika 3:16

Tam Fun wan bulbug fagmanabayanun ay kanya nangus gfon gugat sa ayu fagmanabayanun. Ay kanya nangus gufud tua gugat ayu.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

At Nafasure 1:4

Au, Uan at nariruk tuy laman sa sangay tagafanud tagbanwan sis fituk furuan sis talun Asya. Sumawa nangus ayu fagmagalangun ay fagmanabayanun siginans Dius, kanya tagleleg katsi ay ebi, ay takadasug yay ban, ay siginan yangay at fituk falad tagsit faglunggungan at salubangan,

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.