Filipus 4:5 - Fanawbuid tagsibaliwas Fakayabian

⁵ Falagi sas fagayu taw ay fagmalukmeun. Munakbang wan tam Fun nu kadasug.

Filipus 4:5 ပူးပေါင်းရင်းမြစ်များ

Mateu 6:25

“Nu katanya, glong au ayu te, lag am gafanawa te, daginan ban ay fakonun ay ay fanginum ay ay lanbung. Aroro ay leleg at kamafanudan gtungud tua sik fakonun, ay ay bilug at kamafanudan gtungud tua sik lanbung.

Mateu 6:34

Aroro katanya, lag gafanawa katsi te, ‘Tain ban balabag?’ Balabag ya ban nu gamatangan am tiba. Lag gfamut ay fagafanawaun katsi.

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

1 Kurintu 16:22

Fagumfaurianan ban nusnga sinu fag taw at yud kesug tam Fun. Em Fun, adasugi wa nangus.

1 Kurintu 6:7

Nu namasine am ay fagidapun nu sa way at yud gafanud fag tagwabilug, fagayu am nababawan wam. At masine nu gagwanta tuam dewa e gfauri ay e gdaya ayu.

1 Kurintu 8:13

Nu katanya, nu siginan way ku naon tagfae asalanan ku faduksay, kwa ban kon ya yamas laman kdi gfae asalanan anya.

1 Kurintu 9:25

At nanggudgunan maksvn nu gfananad ay nu gfaragang at sadili laman mafabul sik sangbo takarasras way. Ay dewa katanya, itam fag ngay tagafanud, tam fagnamulun fag sangbo at yud tua ban karasras kabavn.

2 Kurintu. 10:1

Siginan tam Fun Isus at fagmagalangun ay nu kamababaun, au Pablu glong au sa ayu te, dungugani angku. Tibak taw glong te, nu magamut au si ayu malukme ktua, ay nu nyayu au siginan ayu maksvn nu gfangagras au.

2 Tesalunika 2:2

lag am vtv gafanawa ay lag am kalimu, dewa e sik foyungan siginan unu sik falad at longan, ay dewa e gbarita, ay dewa e sik rirukan andasug siginan unu emi te, “Tam Fun at menit andasug wan.”

Titu 3:2

Ay foyungi te, lag glong at mauri sas nusnga sinu, ay lag gbadbaboan, ay manabayani tua, ay malukmei fia sas fagayu taw.

Ebreu 10:25

Ay lag kalyam nu nangaful tam, kata tibak taw at fakamulun, nu bunway fataglayuni nu gfadfamatangan tam, kaugat wan katsi nasaful watam te, munakbang wan tam Fun at menit nu kadasug.

Ebreu 10:37

“Aroro wa glugo ya, kadasug wan tagakadasugun.”

1 Pedru 1:11

Ay kanya fag ngay taglong gugatan gyasafulun te, ginain ban ay setain nu kafasludan at longan. Siwa anya fagayu tam Fun Isus at Masine fag Falad, ay kanya fagayu gfoyung sabaliwa Dius at nafili fag Fun at fagnandalanun fag fagidapun ay at fagnamadasugun fag fagmasineun.

1 Pedru 4:7

Fagayu nusnga setaw gakatabuun wan. Nu katanya, malukmei tua, ay kabavn famasinei ay amatanganan laman mafalganan tuam gdarangin.

At Nafasure 22:20

At tagfatuyan ste fagayu glong te, “Anud. Gakadasugun kwan.” Anud. Adasugi wan, em Fun Isus.

At Nafasure 22:7

“Amatangani, gakadasugun kwan. Mauseganan nusnga sinu fag taw tagfaning tua at foyungan at kinriruk ste fag fafil.”