Filipus 4:3 - Fanawbuid tagsibaliwas Fakayabian

³ Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Filipus 4:3 ပူးပေါင်းရင်းမြစ်များ

Alubad. 69:28

Falyami wan at ngay ngayan siginan am fagrirukan, ay fasamani wan siginan am nafalangfe fag ngay taw.

Nu Galin 32:32

Ay dewa katanya katsi, falyami yap at ngay nafakamulun mauri. Ay nu dway o gfalyam, rarusi wan ku ngayan siginan am fagrirukan fag fafil.”

Isayas 4:3

Ay fagayu ban at kinsawad ay tagleleg yay sis Siun, at masuad, Erusalem fag furuan daul, Yawi ban gtuyan anya fagayu te, at matuyan fag ngay taw.

Esekyel 13:9

Namaurianan kban kafag ngay taglong. Kwa ban gtoglag ya anya fagayu te, ku ngay taw, ay grarus kwa ban at ngay ngayan siginans fagrirukan Israel at ngay ngayan, ay kanya ban fagayu wa masine nanakbo sa sangay taw Israel at daga. Nu katanya, sumaful am te, au Fun Dius Yawi.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Lukas 10:20

Dewa katanya, lag guseganan te, at mauri fag ngay falad gfaning ayu. Useganani way aroro ay ngayan anriruk wan sas banwa.”

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Ruma 16:12

Longi yangay sas duena Trifena ay Trifusa te, O manabayan tuam? Kafag duena maseganina nu gfakamulun sa tam Fun. Ay longi yangay sa Persis te, O manabayan tuo? Kanya tam usena ngayu yangay at nafakamulun laman sa tam Fun.

Ruma 16:9

Ay longi yangay sas Urbanu te, O manabayan tuo? Kanya tam faudgufudan sa tam Fun Isus at fakamulun, ay anggan sa ku fakesugun ku fagadgalangan Estakis.

Filipus 1:12

Ku ngay faduksay, kaylat au nu sumaful am te, at kindasug sa angku fag ngay maidap gbia at fanggubukun nu gfarapyag at Masine fag Barita.

Filipus 1:16

Kafag ngay taw at matuyan at amatanganan kamoyung sabaliwa tam Fun Isus aroro kesug angku, ay kanya fagayu nasaful te, ku fagmaubunganun aroro nafoyung au at Masine fag Barita at kamatuyanan.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 1:5

aroro siginan nu bagu am gafanud dasug katsi, ggubuk tuam kamoyung at Masine fag Barita.

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

Filipus 4:2

Am fag duena Eudya ay Sintiki, get au sa ayu te, asadii wan aroro duksay am sa tam Fun.

Kulusas 1:7

Nasaful am takatanya siginans Epafras, em fakesugun em faudgufudan, ay tam Fun Isus at fagsuguan at matuyan, ay em kaungbus tagsibo ayu.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 17:8

Am nalag ebi fag tagfangagat fag mela tagleleg, katsi anbul wan, dewa katanya, kanya ban gdog yay gleleg ay kasure ban siginan tangabasad fag lusung, ay kadasug way ban vtv sat maksvn fag faurianan. Ngay taw ban at yud anriruk at ngay ngayan sis fafil fagrirukan at ngay ke leleg ban, kanya ban fagayu lumag kafag mela daul. Siginan nu kawat fagdaul daga kafag ngay taw at ngay ngayan wa nriruk sanya fag fafil tagleleg. Ay kanya ban fagayu nu nalag kafag mela umdulo maksvn, aroro ebi gleleg ay anbul, dewa katanya nadog yay naleleg.

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.

At Nafasure 21:27

Ay waban e gsakbo ya sanya nusnge wain at masuya, ay nusnga sinu fag taw tagfakamulun at maksvn nu mapla, ay fagayu takamuag. Tagsakbo ban sanya kayu way lang ban at ke ngayan at marirukan sis Tupa Riangan at fafil fagrirukan at ngay ke leleg ban.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.