Filipus 4:19 - Fanawbuid tagsibaliwas Fakayabian

¹⁹ Ay ku Dius yangay tagfon ayu ay fagayudanun fagayu, siginan at fagmaramramanun ay at fagmasineun at yud kamin kabavn siginan tam Fun Isus.

Filipus 4:19 ပူးပေါင်းရင်းမြစ်များ

Fakasigadan 48:15

Nu katanya, kanya nafadante Use at sisian fagdua ay nalong te, “Ku ngay mangaguyang Abrayam ay Isak at fagfaningan fag Dius, kanya nangus ggubuk ban ayu fag duak sisian, ay kanya yangay fag Dius tagulit angku siginan nu kasalug au ay dasug katsi.

2 Samwel 22:7

Gina au e fagafanawaun, nauro au sas Yawi ku Dius te, “Gubuki angku!” Ku darangin andasug sat bale, ay nadungug tua angku.

2 Krunika 18:13

Ay Mikaya nalong te, “Gfatuyanan au sas Yawi, tagleleg fag Dius te, at ngay longan tua ban ku fagnanlongun.”

2 Krunika 31:8

Esekyas ay at ngay tagfakamulun nu nalag kanya fag ngay fanggalangun nu mabungsud, kanya fagayu nafauseganan Yawi, ay anggan ngay taw Israel.

Nemyas 5:19

Ay gdarangin au te, “Ku Dius, amatangi angku ay gubuki nu gfakamulun au laman stae fag ngay taw.”

Nemyas 9:15

Ay gina kanya fagayu kalunus, nafon tuo fakonun tagsiginans banwa, ay gina kadanum, nafon yangay o at fanginum tagsiginans gang, ay nalong o te, ‘Mananakbo ban am ay manangagbilug ku nafatuyanan sa ayu fag talun.’

Alubad. 104:24

Yawi, ngayu am nawat! Nawat o kanya fagayu siginan am fagsafulun, ay ankapnu sas fagdaul daga.

Alubad. 130:7

Ngay taw Israel, afanudi sas Yawi, aroro kanya tua at mafangesug ay at mafalganan gfalangfe.

Alubad. 36:8

Ay kanya fagayu gfangon kasakan sim bale, ay am famainum anya fagayu siginan sik liskung at mauseganan.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Daniel 6:22

Ngay liun wa nagat angku, aroro Dius nasugu at tagbarita laman namafagum ngay liun at bibig. Dius nafakamulun takatanya aroro saful way te, masine ku fakamulun ay kwe nafakamulun mauri sa emu.”

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Malakyas 3:10

Dewa katanya, katsi glong au ayu te, faskudi angku. Bubai fagayu ay fasafulu ay suadi sas fagfungsuan si ku bale laman e fakonun sanya. Nu nafakamulun tua ban am takatanya, gluang kban banwa at fagbanawanan laman gfadasug au sa ayu ngayuk famonun, ay wa ban sak ya sa ay ngay fagfungsuan.

Mateu 6:32

Aroro fagayu taw at yud gtoglag Dius, kabavn grvbvy takatanya. Ay ay Mama sas banwa nasaful wan nusnge wain ay fagayudanun.

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

Uan 20:27

Ay sanya ginan Isus nalong sas Tumas te, “Damai ku ngay daluap ay tedi, ay apkapi sa ku tigyangan. Lag o gawabilugan ya, afanudi wan.”

Ruma 1:8

Taguna guseganan au sas Dius aroro sa tam Fun Isus ay sa ayu fagayu aroro ay fagafanudun kadungug tua sas fagdaul daga.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.

Ruma 2:4

O gfae yud o e tungkul sa emu Dius at fagmalukmeun ay at fakesugun ay at fagmagwantaun? O nunda yo nasaful te, Dius at fagmalukmeun tagtaban emu laman gubun o am fagmauriun?

Ruma 8:18

Nu gamatangan au, tam ngay fagidapun katsi wa mafaladlabian sa takasure ban sa antam fag fagmasineun.

Ruma 9:23

Dius nafakamulun katanya laman gfalag sat fakafanyun fag ngay taw te, kamabalyanan nya. Siginan yay ebi, Dius nafili anya fagayu laman at fagnamausegananun.

2 Kurintu. 12:21

Gafanawa au te, nu nadog kban manga ndasug sa ayu, Dius ban manga gfapla way angku si ay daga salubangan. Nu katanya way ban, maksvn nu kabalu au aroro ngayu yay si ayu at ke asalanan, ay at yud yay naubun at fagmauriun ay at fagfanugtugun.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Efesu 1:18

Ay gdarangin kyangay te, ay ngay amatanganan nangus umyamag laman sumaful am at nafalganan sa antam fag fagsegun te, kanya ban gfon sik masine ay at yud e kurang fag famonun sat ngay nafili.

Efesu 1:7

Siginan tam Fun Isus at taguk, anlangfe tam, ay nalyam wan tam ngay asalanan. Nu katanya, Dius nafon sa antam at maksvn fag fagmagalangun,

Efesu 2:7

Kanya nafakamulun takatanya laman ban sa takadasug fag buknga, namalag yangay sa antam at fagmagalangun at yud e gfasud, siginan tam Fun Isus.

Efesu 3:16

Gdarangin au sa anya te, siginan at maksvn fag fagmabalyananun, kanya nangus gfabitsug ay amatanganan siginan at Masine fag Falad.

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Filipus 4:7

Nu katanya, Dius at yud e gfasud at fagmanabayanun tagdiri ay amatanganan siginan ay fagmasadiun sa tam Fun Isus.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

Filemun 1:4

Kabavn guseganan au sas Dius galay au gdarangin emu,

1 Pedru 5:1

Maksvn nu glong au sa ayu tagfagtainan ngay tagafanud te, au sik fagtainan kyangay, at nalag tam Fun Isus at ngay naidapanan, ay e afud kyangay at fagmasineun takadasug yay ban.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.