Filipus 4:1 - Fanawbuid tagsibaliwas Fakayabian

¹ Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Filipus 4:1 ပူးပေါင်းရင်းမြစ်များ

Ub 31:36

Ay gfasanan kro kafag rirukan, ay mannga gfasi au ku tungud alfuyu kata sik sangbo, laman namalag au sas fagayu taw te, mafalganan au gsalubang nusnga setaw fag kamatoanan.

Alubad. 125:1

Fagayu tagafanud sas Yawi, di kauig kata Buksul Siun, ay katanya tua gugat.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Uan 8:31

Isus glong sa sangay taw Udyu tagafanud sa anya te, “Nu gfataglayun tuam gfaning ku foyungan ayu, am wa fia ku ngay tagadal.

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Fakamulun 2:42

Ay kanya fagayu gfataglayun tua nu gdungugan Isus at ngay nasugu at foyungan, ay gfataglayun yangay nu nangaful, ay nu kon tam Fun at Yafun, ay anggan nu gdarangin.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

1 Kurintu 16:13

Mafalganani tua ay maksvni ay fagafanudun, magarasi tua ay mabakvdi.

2 Kurintu. 1:14

deyud am fia togdungug. Fakatanyaun laman ban e fakamatungudunun tuam sabaliwa emi, gina tam Fun Isus andasug fag menit, kata nu kamatungudun ami ayu.

Galasya 5:1

Katsi bunwa tam sik fagsuguan ya, aroro tam Fun Isus nafalfas tua antam. Nu katanya, mabakvdi tua sa ay fagafanudun, ay lag am gdog ya nangafagsuguanan.

Filipus 1:27

Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Filipus 2:26

Kanya maksvn nu gyalagun ayu, ay kabalu aroro nadungug am te, kanya e fakasaitun.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

2 Tesalunika 2:15

Nu katanya, em ngay faduksay, bakvdi tua gugat em ngay foyungan, dewa sis longan ay sis rirukan.

2 Timuteu 2:1

Ay o, ku sisian Timuteu, maksvni tua am amatanganan siginan tam Fun Isus at gubuk sa emu.

Ebreu 10:23

Faksvni tua tam fagsegun ay lag tam gawabilugan, aroro at nafatuyanan sa antam matuyan tua.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

2 Pedru 3:17

Nu katanya, ku ngay fakesugun, dakngani nasaful wam takatanya, madiriani tua laman ban diam gatabanan at mauri fag ngay taw at foyungan, ay manmomuy ay maksvn fag fagafanudun.