Filipus 3:9 - Fanawbuid tagsibaliwas Fakayabian

⁹ ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.

Filipus 3:9 ပူးပေါင်းရင်းမြစ်များ

Fakasigadan 7:23

Fagayu tagleleg sis fagdaul daga dewa taw, taglao, tagalafang ay manuk tungud namin wan. Nui way lang fag talanan at kinsawad fag ngay taw.

1 Fun 8:46

“Am ngay taw nu nke asalanan sa emu (aroro we taw at yud e asalanan!) ay nu ndotama o ay namon anya fagayu sat ngay fawayan, at nantaban anya fagayu ay nangubung sit sadili talun, dewa ngayayu ay munakbang,

2 Krunika 32:25

Dewa katanya, Esekyas nafamatungudun, ay wa namatang Yawi at nafakamulun sa anya at masine. Nu katanya, Yawi andotama anya ay ngay taw Uda ay fagayu taw tagbanwan sis Erusalem.

2 Krunika 32:31

Dewa katanya, Dius nafaskud anya, gina ngay tagfangguna andasug siginans Babilunya, laman at nanginsaful sabaliwa at kinfasludan sas talun Uda at maksvn nu madulo. Dius nafakamulun takatanya laman ginsaful Esekyas at namatangan.

Alubad. 14:3

Dewa katanya, we matuyan ya! Fagayu taw maksvn at asalanan, ay nasaruy wan at matuyan fag dalan. Ay nusdi sadi, we gfakamulun ya at masine.

Alubad. 143:2

Lag yap ginsaful angku am fagsuguan, aroro we taw matuyan sam daga salubangan.

Alubad. 19:12

Nusnga sinu wa saful at asalanan. Nu katanya, falyami wan ku ngay asalanan ku fagyudun saful.

Takamoyung 7:20

Sas fagdaul daga we taw tagfakamulun tua gugat at masine, ay at yud anke asalanan.

Isayas 46:13

Wa ban glugo, namae fagmatuyanun au furuan Erusalem. Munakbang wan nu gfalangfe au, ay namae fagusegananun kban taw Israel.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 9:13

Amatangani ay asafuli at masuad Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu am ay iba.’ Aroro ku fagnastaeun kwa namaful at matuyan fag ngay taw sa angku, kayu way at ke asalanan.”

Ruma 1:17

Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te, “Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”

Ruma 10:10

Aroro sik taw tagafanud tua, kanya katap kata sik taw yud e asalanan, ay nu gfoyung tua at fagafanudun, kanya umlangfe tua.

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

Ruma 5:21

Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.

Ruma 8:1

Nu katanya, at kinsadi sa tam Fun Isus, kanya ban di gafaurianan.

Ruma 8:3

Dius nafakamulun Muisis at Faugali at fagyudun makatu, aroro kafag faugali anmomuy siginans asalanan at fagmabalyananun, ay wa nakatu gfalfas antam. Dius nasugu at Baguama kata sik taw tagasalanan, laman sik fanggalangun aroro sa tam asalanan, ay nu katanya, Dius nafatabu wan asalanan at fagmabalyananun. Ay at fagnafasteun swa daga laman gfoyung te, asalanan we fagmabalyananun ya.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Galasya 2:16

Dewa katanya, nasaful ami te, Dius gtap sik taw kata nu yud e asalanan siginan nu gafanud sas Isus tam Fun, ay bundi siginan at nafaningan Muisis at Faugali. Ay gafanud yangay ami sa tam Fun Isus laman Dius gtap emi kata nu yud ami e asalanan siginan nu gafanud ami sa tam Fun Isus, ay bundi siginan nu gfaning Muisis at Faugali. Aroro Dius wa gtap nusnga sinu fag taw kata nu yud e asalanan nu siginan way nu gfaning kafag Faugali.

Deuterunumyu 27:26

“Umfaurianan ban nangus sik taw at yud nafaning ay at yud nafakamulun takatatuy fag ngay suguan.” Ay fagayu ban taw gbalus te, “Anud!”

Filipus 3:6

Aroro siginan ku kamaseganaman, nafauri au ngay tagafanud. Ay nafafaning au fia em faugali.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Titu 3:5

kanya nafalangfe antam, bunwa siginan tam ngay nafakamulun at masine nu bunway siginan tua nu kafanyu antam. Anlangfe tam siginan nu gfegus antam gina tam nadog ansalug ay siginan at Masine fag Falad at nafon antam at bagu fag ugali.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

Santiagu 3:2

Fagayu tam, ngayu tam nasalan. Sik taw nu ddi e nasalan sit longan, kanya sik yud e malong, aroro kanya gfaragang tua at sadili.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

1 Uan 3:4

Nusnga sinu tagasalanan kamabo Muisis at Faugali, aroro asalanan ay fakamaboun Muisis at Faugali, katanya yay.