Filipus 3:8 - Fanawbuid tagsibaliwas Fakayabian

⁸ Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Filipus 3:8 ပူးပေါင်းရင်းမြစ်များ

1 Fun 14:10

Ay katsi mafalganan au gfaurianan Erubuam at ngay kasugfunanan. Namamin au fagayu Erubuam at kalongan mangama, fagsuguan ay yud fagsuguan. Namamin au Erubuam at ngay kasugfunanan kata nu girug ngay nakaurian yakmay namin.

2 Fun 9:37

Kafag mangena at bilug anrapyag kata sik masuya sas Esreel at gamasun ay we toglag ya anya.”

Ub 20:7

kanya ban umtabu way kata sik nakaurian. Ay tagtoglag anya fag ngay taw rumvbvy ban anya.

Alubad. 126:6

Sik taw dewa gwayway gina gbuba at bvtang sat gamasun, gina ban fanggutluan, nu guli sat bale, guseganan tua gbuba at ngay gutluan.

Alubad. 73:25

Fagayu tagsis banwa, we masuad sa angku nu bunway o way lang. Ay sas day emu, kwa yangay e fakaylatun ya fagayu tagsis fagdaul daga.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Malakyas 2:3

“Dungugani! Aroro siginan ayu, namaurianan kban ay kasugfunanan. Namatayuk kban sa ay ngay kamatan ay nafon sa angku fag ngay fanggalangun at kek ay nangukas kban ayu sas fagukasan nakaurian.

Tap 14:30

at madasug sa ku nafatuyanan fag talun, nu bunway Kaleb, Efune at baguama, ay Uswe, Nun at baguama.

Lukas 1:43

Sinu au, laman ku Fun at mina nangadasug sa angku?

Lukas 11:20

Ku fagmabalyananun gaiyan mauri fag ngay falad nu siginan tua Dius at fagmabalyananun, at masuad, Dius at Fagfagtainanan andasug si ayu.

Uan 14:20

Ay ginanya ban fag menit sumaful am te, si au ku Mama, ay si wam angku, ay si kyangay ayu.

Uan 14:7

Nu gtoglag tuam angku, gtoglag yangay am ku Mama. Ay siginan yay katsi, gtoglag wam ay nalag anya.”

Uan 16:3

Kafag ngay taw ban namakamulun takatanya, aroro wa toglag tam Mama ay wa yangay toglag angku.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 17:8

aroro nafoyung kwa sanya fag ngay taw am nafon angku fag ngay longan, ay kanya nafaning tua. Ay kanya antuyan wa te, siginan au emu, ay gafanud yangay te, o wan at nasugu angku.

Uan 20:13

Ay kanya fag duama nainto anya te, “Wain am fagwaywayun?” Maria nabalus te, “E nabul ku Fun, ay kwa nasaful te, dada nu gbuba.”

Uan 20:28

Ay Tumas nalong te, “Ku Fun ay ku Dius.”

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Ruma 8:18

Nu gamatangan au, tam ngay fagidapun katsi wa mafaladlabian sa takasure ban sa antam fag fagmasineun.

Ruma 8:39

ay fagayu awatan tagsis tungud, ay tagsis daga daga, ay nusnge wain fag awatan wa mafasaruayan antam siginans Dius at fakesugun at nafalag sa antam siginans Isus tam Fun.

1 Kurintu 2:2

Ku algan ku fagfoyungun sa ayu we tiba nu bunway sa way lang baliwas Isus tam Fun at nabulanan sas fasulungan kayu.

1 Kurintu 9:10

Bundi. At masuad sa tua baliwa antam. Aroro takali ay tagruyus gsud e fagsegun at afud.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Galasya 1:16

Kanya nafasure sa angku at Baguama laman nanfamoyung au at Masine fag Barita sas yud Udyu fag ngay taw. Ay gina Dius nafasure sa angku takatanya, kwa nananginto sas nusnga sinu.

Efesu 4:13

Takatanya fag balyawvtan, umsadi tua tam sas fagafanudun ay tumoglag tam Dius at Baguama, laman umtuyan fia tam kaugalian kata tam Fun Isus nu matuyan.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 3:10

Katsi, kaylat au gtoglag tam Fun Isus, ay gyasafulun au at kamabalyananan aroro nadog naleleg, ay kata anya kaylat au nanginkidapan, ay namaning anya anggan sat nabulanan.

Filipus 3:12

Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Filipus 3:7

Dewa katanya, fagayu takatanya ebi ginan ku fagfaningun fia, katsi gfayud kwa e tungkul aroro sa tam Fun Isus.

2 Timuteu 4:6

Gakabulun kwan. Kadasug wan ku fangabulan fag menit.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

1 Pedru 2:7

Nu katanya, kafag gang mafanud tua sa ayu fag ngay tagafanud. Dewa katanya, umfasludan sa sangay yud gafanud, kata sis Rirukan te, “Ngay takawat bale at naukas fag gang, ansik fagfatungkudan turuk.”

2 Pedru 1:2

Sumawa fia ayu Dius at fagmagalangun ay at fagmanabayanun siginan ay natoglagan tam Fun Isus tam Dius.

2 Pedru 1:3

Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

2 Pedru 1:8

Nu kaksvn tua nu gugali am takatanya, di ban umyud e masuad ay natoglagan tam Fun Isus nu bunway e tungkul tua ban.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

1 Uan 2:19

Ebi, kafag ngay tagfawayan tam Fun Isus magamut tua antam, ay katsi naubun wan antam. Kanya fagayu bunwa fia tam ibama, aroro nu tam ibama di, masadi tua ro tam nangus gugat. Ay kanya naubun way antam, sik famasaful te, kanya fagayu bunwa tam ibama.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.