Filipus 3:5 - Fanawbuid tagsibaliwas Fakayabian

⁵ Aroro anke fakatoglagan au sis fawaluk menit, ay sik taw Israel au, siginans Benamin at kasugfunanan, ku ngay mangaguyang taw Ebreu, ay nu sabaliwa em faugali tam fagkamatoanun, sik taw Fariseu au at maksvn nu gfaning.

Filipus 3:5 ပူးပေါင်းရင်းမြစ်များ

Fakasigadan 14:13

Ay e sik taw at nalagyu ay nanamoyung at ngay nalag sas Abram. Ginanya Abram gbanwan sis Mamre at fagagbilugun fag ngay fun kayu ayu daul, (Mamre sik taw Amur.) Ay Eskul ay Aner fag duksay Mamre at fagadgalangan, ay Abram at ngay ufud.

Fakasigadan 17:12

Siginan katsi ay anggan ban sa am ngay kasugfunanan, fagayu munama kinsalug, fae fakatoglagani tua nu ndasug sis fawaluk menit siginan nu kasalug. Fagayu mangama si ay mesa talanan fae fakatoglagani, anggan ay ngay fagsuguan mangama at kinsalug sim fagbanwanan, ay anggan ay nabul fag ngay fagsuguan siginan tibak talun. Katanya at fagtoglagan tagfatuyan te, ku nasadian sa ayu gtaglayun tua ban kabavn.

Fakasigadan 40:15

Aroro at matuyan, nafabulunan kway nu gatabanan au siginans Ebreu at talun, ay dewa au ste, kwe nafakamulun mauri laman kaubung au.”

Fakasigadan 41:12

Ay sanya e ufud ami sik baguama, fag taw Ebreu, tagulit fun at bale daul at fagsuguan. Nafansulit ami em mesa taginfan sa anya ay kanya nafayamag em taginfan at masuad.

Unas 1:9

Ay Unas gbalus te, “Sik taw Ebreu au ay gseg au Yawi, Dius tagsis banwa at nawat dagat ay daga.”

Lukas 1:59

Ay nu siwas fawaluk menit siginan kafag ngenge nu kasalug, at ngay fasabale ay at ngay kalongan andasug laman namae fakatoglagan kafag ngenge kata ngay taw Udyu at ugali. Ay kanya fagayu nafangayan kafag ngenge te, Sakaryas, kata at mama at ngayan.

Lukas 2:21

Nu nlangfe waluk menit, nu nafae fakatoglagan wan kafag sisian gfaning taw Udyu at faugali, at fagtainan nafangayan anya te, Isus, kata tagbarita at nalong gina kafag sisian yay yud ansalug.

Lukas 5:38

Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat.

Fakamulun 22:3

“Sik taw Udyu au, ay ansalug au sis Tarsu, sis talun Silisya, ay an-gurang stes Erusalem. Nu gadal au ste yangay, ay ku takamoyung Gamaliel. Kanya nafoyung sa angku Faugali tam ngay mangaguyang at nafaning yangay. Ay gfaning kyangay ayu at maseganama gfakamulun sa tam Dius.

Fakamulun 23:6

Ay Pablu nu nasaful te, tibak taw tagsanya taw Saduseu ay tiba yangay, taw Fariseu, mabitsug nu garingang sanya fag ngay tagfangguna te, “Ku ngay faduksay, sik taw au Fariseu, anggan ku mama taw yangay Fariseu. Ku fagafauriananun katsi aroro e fagsegun au te, fagayu ban taw dewa nbul, gdog yay gleleg.”

Fakamulun 6:1

Ginanya fag buknga, ngayu takafamut ngay taw tagafanud sas Isus. Ay ngay taw Udyu tagsaful Griegu fag fangaringang, anke fanlonganan sa sangay taw Udyu tagsaful Ebreu fag fangaringang, aroro galay gfon fakonun sa sangay fagbubayun, kafag gaban taw at ngay fagbubayun wa nke afud laman at fakonun kayu menit.

Ruma 11:1

Katsi ginto au te, O Dius naiyan wan at nafili fag ngay taw Israel? Duan. Anggan au taw Israel kyangay, siginan Abrayam at kasugfunanan ay katap kyangay sas Benamin at kasugfunanan.

2 Kurintu. 11:22

Kanya fagayu nu sik ngay taw Ebreu, anggan au sik taw Ebreu kyangay. Ay nu sik ngay taw Israel, sik taw Israel kyangay. Ay nu Abrayam at ngay kasugfunanan, anggan au Abrayam kyangay at kasugfunanan.

1 Samwel 4:6

Ay ngay taw Filistia nu nadungug ngay taw Israel nu guro, kanya fagayu gidgintoan te, “Wain ngay taw Ebreu at fagudguroanun?” Ay kafag ngay taw nu nasaful te, Fagsuadan Nasadian andasug sa sangay taw Israel at fagmafulan,