Filipus 3:2 - Fanawbuid tagsibaliwas Fakayabian

² Dirii nusnga sinu fag taw tagugali at mauri kata sik idu, kafag ngay taw gfakamulun at mauri, ay kanya fagayu gfabulun sa sangay yud Udyu te, fae fakatoglagani.

Filipus 3:2 ပူးပေါင်းရင်းမြစ်များ

Alubad. 119:115

Am fag ngay taw tagfakamulun at mauri, ayayui angku, laman mafaning ktua ku Dius at ngay suguan.

Alubad. 22:16

Ay at mauri fag ngay taw gligung angku, kata ngay idu. Kanya fagayu nasulbung ku ngay daluap ay ku ngay darafa.

Alubad. 22:20

Falangfei angku siginan ku ngay fawayan at ke ngay famabul.

Fangatulun 26:11

Sik taw tagugali gugat sit fagyudun mamatanganan, kanya kata way sik idu takon yay at fangkok.

Mateu 24:10

Ay ginanya ban ngayuk taw gubun at fagafanudun. Ay kanya ban fagayu gfoyung at ngay iba sat mauri fag ngay taw ay kadkaurian.

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Mateu 7:6

“Lag gfon sas idu Dius at ramraman, ay lag gukas sik dalag masine sas bumbu. Aroro nu gfakamulun o takatanya, bumbu mansiad kafag dalag ay idu manbiling ay magat ayu.

Ruma 2:28

Aroro at matuyan fag taw Udyu bunwa aroro at fagtainan sik taw Udyu, ay bunwa siginan nu nke fakatoglagan.

2 Kurintu. 11:13

Takatanya fag ngay taw takamuagan way fag ngay nasugu ay tagfandaya fag tagfakamulun, ay kanya fagayu kamuagan te, “Ami wan tam Fun Isus at nasugu.”

Galasya 5:13

Ku ngay faduksay, Dius nafili ayu laman diam sik ngay fagsuguan ya. Dewa katanya, at fagnafalfasun ayu bunwa laman namaning am ay bilug at fakaylatun, nu bunway edkesugani tua ay gudgubukani.

Galasya 5:15

Dewa katanya, nu gawayan way am gugat kata ngay mangilafang, umkamin am.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Filipus 3:19

Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

1 Timuteu 1:19

ay laman e fagafanudun tuo ay masine am amatanganan. Tibak taw wa gfaning at matuyan fag amatanganan, nu katanya, kanya fagayu nafalyam at fagafanudun.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

2 Pedru 2:22

Anud sik longan te, “Idu nu nafangkok, gdog yay kon at fangkok,” ay “Dewa e nafegus sik bumbu, nangafoli yay sat faglibliban.”

Udas 1:4

Aroro wam nasaful nu kadasug sa ayu tibak taw tagfabulun gfabali foyungan sabaliwa Dius at fagmagalangun, laman mafakamulun at fagfanugtugun. Kanya wa kaylat gtoglag Isus tam Fun tam tiba tungud fag Fun. Ay siginans fakasigadan e rirukan te, kafag ngay taw gafaurianan ban.

At Nafasure 2:9

Saful kwan ay fagagwantanun fag ngay fagidapun. Saful kway te, sik ngay maidap way am, ay at matuyan maramraman am. Ay saful kyangay te, e gfalingun ayu. Kanya fag ngay taw kamuagan te, sik ngay taw Udyu, ay at matuyan kanya fagayu Satanas way at ngay taw.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.