Filipus 3:19 - Fanawbuid tagsibaliwas Fakayabian

¹⁹ Kanya ban at fungfung fakaminun way, aroro gseg at bilug at fakaylatun. At fagusegananun at mapla way, ay at fagamatanganun tagste way swa daga.

Filipus 3:19 ပူးပေါင်းရင်းမြစ်များ

Alubad. 17:14

Siginan am fagmabitsugun, falangfei angku sanya ginan fag ngay taw, aroro at fagamatanganun tagste way lang sfagdaul daga. Gfamut o at ngay ramraman, ay gfayu o at ngay sisian, ay kanya fagayu gfagbilug at ngay ramraman sat ngay kasugfunanan.

Alubad. 52:1

Sik takadungug o fag taw, ay wain am fakamatungudunun sam fagmauriun? O nunda ebi ginan Dius at fagfangesugun wa gugat si emu?

Eremyas 44:17

Gfakamulun ami nusnge wain em fakaylatun. Nangirug ami ngay famaebebanglu sa em fagsegan at nafangayan te, Tagsis Banwa fag Mangena fag Fagsegan! Ay namon ami sa anya fanginum fag ngay fanggalangun kata em nafakamulun si sangay furuan tagsis Uda ay sis Erusalem at ngay fagaweanan, kata em ngay mangaguyang, ay em ngay fun, ay em ngay tagfangguna at nafakamulun. Ebi manabayan tua nu gbanwan ami: ngayu tua em fakonun, ay di e kadasug sa emi at mauri.

Esekyel 13:19

Nafauri am angku si ku ngay taw at daga salubangan, dewa way siginan sik alay fag barli ay fag tinapay. Ay siginan ay fakamuagun nalong am te, “Fabuli wan at yud e asalanan ay falangfei at ke ngay asalanan.” Ay ku ngay taw nafanud sa ay foyungan.

Esekyel 34:3

Kon am at kindai fag fakonun at mawatan siginan ay fagalagaun fag ngay tupa at susu bilug, ay at ngay balat kawat am ay ngay lanbung, ay gfilas am at mafilian fag ngay tupa, dewa katanya wam galaga anya fagayu.

Usea 4:7

Am fag ngay tagfon fanggalangun gina am ankayu, ankayu yangay ay ngay asalanan sa angku, ay natubus am angku, at matuyan fag Dius, sat yud e tungkul fag ngay fagsegan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 3:5

Katatuy Yawi at longan sabaliwa takamuag fag ngay taglong tagfatuyanan te, manabayan ban ngay taw tagfon sa kafag ngay taglong fakonun, dewa katanya, gidapan way ban at yud gfon sa anya ngay fakonun.

Malakyas 1:12

Dewa katanya, gfauri am ku ngayan siginan nu glong am te, fagirugan masuya wan, ay anggan tagsanya fag ngay fanggalangun.

Mateu 16:23

Ay Isus anbiling ay nasalubang Pedru ay nalong anya te, “Satanas, lag ste ya! Gfataid wayo angku. Aroro am amatanganan bunwa Dius at algan, nu bunway taw way at algan.”

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Lukas 12:19

Ay glong kban sa ku sadili te, Katsi ku ramraman ngayu tua, kasakan wa ban dewa ngayuk banwa. Kamato kway ban lang ay gfangon ay ginum ay anggan guseganan.’

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Lukas 18:4

“Ebi taguna kafag tagwabilug kauri ggubuk, ay abandi kanya namatangan te, ‘Dewa yud au gseg Dius, ay deyud au kafanyu ngay taw,

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Ruma 6:21

Nataw ay nabul siginan ay nafakamulun ebi ay fakaplaun katsi? Takatanya fag ugali at fungfung fakabulun way.

1 Kurintu 3:3

Aroro gfaning yayam ay bilug at fakaylatun. Gfangalabian yayam ay gawayan, takatanya ay fakamulun gfatuyan te, gfaning yayam ay bilug at fakaylatun ay fagdaul daga at ugali.

1 Kurintu 5:2

Ay kamatungudun am takatanya fag fakamulun. Wam nangus kamatungudun, abat ngate, mabaluani way ay aiyani wan tagfakamulun takatanya.

1 Kurintu 5:6

Lag am kamatungudun. O yam nasaful sik longan te, dewa alay fag asalanan karapyag sas fagayu taw, kata sik famabia tinapay dewa alay way sirut karapyag sas fagdaul fangawat tinapay?

2 Kurintu. 11:12

Ay gfataglayun au gfakamulun ku fakamulun takatanya laman tibak taw tagsanya we glong te, “Pablu at fakamulun kata yay em fakamulun.”

2 Kurintu. 11:15

Nu katanya, wa tam kadulo Satanas at ngay fagsuguan nu kamaningan yangay te, “Ami wan fagmatuyanun at ngay fagsuguan.” Dewa katanya, kanya ban fagayu umfaurianan kata at nafakamulun.

Galasya 6:13

Kanya fagayu dewa e fakatoglagan, wa gfaning Muisis at Faugali, ay gfabulun way ayu te, “Fae fakatoglagani,” laman siginan at foyungan kamatungudun te, anke fakatoglagan tuam.

Filipus 2:21

Aroro tibak taw at fagugatanun sa way lang at sadili fakaylatun, wa gfaning tam Fun Isus at fakaylatun.

Kulusas 3:2

Katanyai tua gugat ay fagamatanganun, dangay tagste swa daga,

2 Tesalunika 1:9

Kanya ban fagayu gafaurianan kabavn, ay umsaman ban sa tam Fun ay sat fagmasineun at mabalyanan.

2 Tesalunika 2:12

laman fagayu at yud gafanud sat matuyan, umfaurianan. Kanya fagayu, abat ngate gafanud sat matuyan, guseganan way sat mauri.

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

1 Timuteu 6:5

Kanya fagayu kaylat kamabadbaboan ay wa matuyan at ngay amatanganan ay wa saful at matuyan. Kanya fag ngay taw at amatanganan, fagfaningun Dius sik balyawvtan way laman karamraman.

2 Timuteu 3:4

ay gfanlukan sat ngay iba, ay gfangabanganan, ay kamatungudun, ay kesug way at sadili fakaylatun abat ngate kesug Dius,

Santiagu 4:16

At matuyan, kamanagsag way am ay kamatungudun. Nu katanya, mauri way am.

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.

2 Pedru 2:13

E namasud ban sa anya kata at nafakamulun fag fagmauriun sat iba. Ay kanya fag ngay taw wa kapla gfakamulun at mauri dewa gina mamenit. Ay gfadasug sa ayu at maksvn fag fagmaplaun ay fag fagafalingunanun, ay gdaya ayu gina am magamut gfangon.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

Udas 1:10

Dewa katanya, kanya fag ngay taw gfalingun nusnge wain at fagyudun gtogdungug. Kanya fagayu we amatanganan kata way ngay mangilafang, ay at fagfakamulunun at sadili way fakaylatun at namamin ban anya fagayu.

Udas 1:16

Kanya fag ngay taw maksvn nu kamayud, ay maksvn nu gfaning at bilug at fakaylatun, ay kamatungudun sabaliwa at sadili fakamulun, ay gfaylatan tibak taw laman mafafabul at fakaylatun.

Udas 1:4

Aroro wam nasaful nu kadasug sa ayu tibak taw tagfabulun gfabali foyungan sabaliwa Dius at fagmagalangun, laman mafakamulun at fagfanugtugun. Kanya wa kaylat gtoglag Isus tam Fun tam tiba tungud fag Fun. Ay siginans fakasigadan e rirukan te, kafag ngay taw gafaurianan ban.

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.

1 Samwel 2:29

Wain ay fagalabianun yay ngay fanggalangun laman sa angku? Wain nu gsuyu o am ngay baguama fagtungudun tua nu gsuyu o angku? Nafabayan o am ngay baguama nu gfataglu at bilug siginan nu kon ngay fanggalangun ku ngay taw Israel at fon sa angku.