Filipus 3:18 - Fanawbuid tagsibaliwas Fakayabian

¹⁸ Kata ebi ginan ku longan gugat ayu, katsi galiasun au gdog glong sa ayu te, ngayu yayk taw tagugali gfawayan tam Fun Isus at nabulanan sas fasulungan kayu.

Filipus 3:18 ပူးပေါင်းရင်းမြစ်များ

Alubad. 119:136

Maksvn nu gwayway au, aroro ngay taw wa gfaning am faugali.

Isayas 8:11

Yawi nafoli sa angku at daluap ay nafararang sa angku te, “Lag gfaning am iba at fakamulun.

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Lebitiku 13:8

Ay tagfon fanggalangun nu nalag te, kanya fag taw gdog yay anke butsig, gdog yay gfoyung te, kanya fag taw masuya wan ay gabangbang.

Lukas 19:41

Ay Isus nu kakbang wan sas Erusalem, ay nu nalag kafag furuan, kanya gwayway, aroro kabalu,

Fakamulun 20:19

Gfababaun au fia galiasun nu gfaning au tam Fun, dewa au nadalan at maksvn fag fagidapun aroro ngay taw Udyu at algan namauri angku.

Ruma 9:2

kabavn kabalu au maksvn ay gafanawa.

1 Kurintu 1:18

Sa tagafaurianan fag ngay taw we tungkul em foyungan sabaliwa tam Fun Isus at nabulanan sas fasulungan kayu. Ay sa antam, at ngay kinlangfe, kanya wan Dius at fagmabalyananun.

1 Kurintu 6:9

O nunda yam nasaful te, ngay taw tagfakamulun at mauri wa ban umful sas Dius at fagfagtainanan? Lag am gdaya ay sadili. Aroro, ngay taw tagfanugtug tibama at mangena ay sat yud e mangama, ay tagseg at yud matuyan fag ngay fagsegan, ay tagfanugtug sat usama,

2 Kurintu. 11:13

Takatanya fag ngay taw takamuagan way fag ngay nasugu ay tagfandaya fag tagfakamulun, ay kanya fagayu kamuagan te, “Ami wan tam Fun Isus at nasugu.”

2 Kurintu. 11:29

Ay sik tagafanud nu nmomuy at fagafanudun, kabalu au. Ay nu e nafakamulun way at mauri, maksvn nu gidapan au gamatangan.

2 Kurintu. 2:4

Ay gina au griruk sa ayu, gafanawa au maksvn, ay kabalu, ay galiasun maksvn. Ku fagnarirukun sa ayu bunwa te, gfae fakabaluun au ayu, nu bunway laman gfasaful au sa ayu te, maksvn nu kesug au ayu.

Galasya 1:7

At matuyan, we tibak masine fag barita. Ku fagnalongun katanya, e gfasagsagan ay amatanganan ay gugatan namabali at Masine fag Barita sabaliwa tam Fun Isus.

Galasya 2:14

Ay nu nalag au te, at ngay fakamulun wa matuyan ay wa gfaning at Masine fag Barita at fagmatuyanun, sis salubangan fagayu taw nalong au sas Pedru te, “Sik taw Udyu oma o, ay dewa katanya, gfaning yay o at yud Udyu fag ngay taw at faugali. Wain am fagfabulunun sas yud Udyu fag ngay taw te, faningi taw Udyu at faugali?”

Galasya 2:21

Kwa gfayud e tungkul Dius at fagmagalangun. Aroro Dius nu gtap sik taw kata nu yud e asalanan nu siginan way nu gfaning Muisis at Faugali, wa ro e tungkul tam Fun Isus at nabulanan.

Galasya 5:21

ay fagfangasulupun, ay fagfangalanguun, ay fakamasaweun nu guseganan sat mauri, ay tiba yak ugali takatanya. Gfararang au kata ebi taguna ku foyungan ayu te, nusnga sinu tagfakamulun takatanya wa ban umtap sas Dius at fagfagtainanan.

Galasya 6:12

Ngay taw tagfabulun ayu te, “Fae fakatoglagani,” kaylat way tibak taw Udyu nu gfauseganan anya. Aroro takatanya fag taw kalimu at ngay iba nu namaurianan anya, nu nafoyung way ro te, tam Fun Isus at nabulanan at mafalangfe taw.

Galasya 6:14

Lag au nangus kamatungudun, nu dway sabaliwa tam Fun Isus at nabulanan sas fasulungan kayu. Aroro siginan takatanya, fagayu nusnge wain ste sfagdaul daga we tungkul ya sa angku, ay anggan au kwa yangay e tungkul ya sas fagdaul daga.

Efesu 4:17

Katatuy ku longan sa ayu siginan tam Fun te, lag am gugali ya kata at yud Udyu fag ngay taw at ugali ay at yud e tungkul fag ngay amatanganan.

Filipus 1:4

Galay au gdarangin ayu, guseganan au

1 Tesalunika 4:6

Lag am gfakamulun takatanya sa ay faduksay, aroro tam Fun gfaurianan nusnga sinu tagfakamulun at mauri, kata em nalong ay em nafararang wan sa ayu ebi.

2 Tesalunika 3:11

Aroro nadungug ami te, tibak taw sanya kamamomuyun ay wa kaylat gfakamulun, abat ngate, namasaysalagan way at iba.

2 Pedru 2:10

Kaugat wan ngay tagfaning at bilug at fakaylatun, ay takauri tam Fun at fagmabalyananun. Takatanya fag ngay taw at yud gfangapla ay kamatungudun, ay wa gadgaragun gfalingun ngay awatan at mabalyanan tagsis banwa.

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.