Filipus 3:15 - Fanawbuid tagsibaliwas Fakayabian

¹⁵ Katanya nangus tam amatanganan, nu nkaksvn wan tam fagafanudun. Nu dway katanya ay ngay amatanganan, Dius gfayamag yay sa ayu.

Filipus 3:15 ပူးပေါင်းရင်းမြစ်များ

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Mateu 5:48

Lag am e malong, kata ay Mama sas banwa nu yud e malong.

Lukas 11:13

Ay dewa am sik ngay mauri fag taw, saful tuam gfon at masine sa ay sisian, ay ay Mama sas banwa, gtungud yay nu gsaful gfon at Masine fag Falad sas nusnga sinu taget sa anya.”

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Ruma 15:1

Itam at mabitsug tam fagafanudun, agwantani tua fabitsugi tam ngay faduksay at mamomuy at fagafanudun. Lag tam gfauseganan tam sadili,

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

1 Kurintu 2:6

Ay dewa katanya, sa sangay taw at maksvn wan at fagafanudun, em foyungan sik fagmamatanganun tua, bundi siginan fagdaul daga at fagmamatanganun, ay bundi siginan tagfunan ste swa daga at ke fakatabuan way ban.

Galasya 5:10

Aroro siginan tam fagmasadiun sa tam Fun, natuyan au te, diam gfabadbalian ay amatanganan sabaliwa tibak foyungan. Ay natuyan kyangay te, Dius ban gfaurianan nusnga sinu fag taw at nafamomuy ay ngay amatanganan.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

Kulusas 1:28

Kanya wan em fakamoyungun sabaliwa tam Fun Isus sas fagayu taw. Gfamatangan ami sas fagayu taw ay gfayamag ami ay kamoyung kaksvn em fagmakatuun, laman fagayu taw manansalubang sas Dius, ay di e malong aroro siginan at fagmasadiun sa tam Fun Isus.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

1 Tesalunika 4:9

Ay nu sabaliwa nu kedkesugan am, wam fagfoyungun ya, aroro Dius nafoyung wan ayu te, edkesugani.

2 Timuteu 3:17

Nu katanya tua, Dius at fagsuguan mafalganan tua fia sas fagayu fakamulun at masine.

Ebreu 5:14

Ay at matugas fag fakonun kanya sa tua at mafagtainan at nasaful tua at matuyan ay at mauri.

1 Uan 2:5

Nusnga sinu tagfaning Dius at longan gfalag te, matuyan tua nu kesug Dius. Katatuy tam fagsafulan te, si tam anya: