Filipus 3:14 - Fanawbuid tagsibaliwas Fakayabian

¹⁴ Gfataglayun au sitsigons fakatabuan laman namul au at famonun fag leleg at yud e fakatabuan, magamut si tam Fun Isus, siginan Dius at nauroan angku.

Filipus 3:14 ပူးပေါင်းရင်းမြစ်များ

Lukas 16:16

“Muisis at Faugali ay Dius at ngay taglong at rirukan e fagmabalyananun yakmay Uan andasug. Ay katsi gfoyung au at Masine fag Barita sabaliwa Dius nu gfagtainan. Ay ngayuk taw tagugatan nangatap.

Ruma 11:29

Dius di gbadbalian at amatanganan sabaliwa nu gfon ay nu gfili.

1 Kurintu 9:24

Nasaful wam te, fagayu taggudgunan gtarung, ay dewa katanya, sadi way tagbabo. Nu katanya, fasinei fia nu gtarung am laman ban mababo tuam.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 6:1

Nu katanya, tam fagadalun sabaliwa tam Fun Isus, diwan ya taguna fag foyungan, nu bunway tagfaksvn tua tam fagafanudun. Lag tam gdog gadal sabaliwa nu gubun tam tam ngay nafakamulun at mauri tagfadasug antam sas fakabulun, ay sa baliwa nu setain nu gafanud tam sas Dius, ay sabaliwa nu gfasurung, ay sabaliwa nu e gfoli at daluap sas taw at alfuyu, ay sabaliwa at ngay kinbul nu gdog gleleg ay sabaliwa at yud e fakatabuan fag faurianan. Nu katanya yay gugat tam fagadalun, kata nu gdog tam nanturuk.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

2 Pedru 1:3

Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.