Filipus 3:13 - Fanawbuid tagsibaliwas Fakayabian

¹³ Ku ngay faduksay, kwa gamatangan te, nabul kwan kanya fagayu. Ku fakamulun katsi gfalyam kwan at kinlangfe, ay gugatan au gyabulun tagsis fagunan.

Filipus 3:13 ပူးပေါင်းရင်းမြစ်များ

Alubad. 27:4

Yawi, get au sa emu te, kaduge kban gleleg aylati nu namanwan au sa emu, laman lumag au fia am fagmasineun, ay gamatangan ktua fia sa emu.

Alubad. 45:10

Fun at fabubayan, dungugani ku longan emu: alyami yap am ngay kalongan ay am ngay fasabale.

Lukas 10:42

Sadi way sik taw at fagayudanun fia. Ay Maria nafili at masine, ay we mafaago siginan anya.”

Lukas 9:62

Ay Isus glong anya te, “Sik taw gina garadu nu nadama way sat guyan, wa ban katap sas Dius at fagfagtainanan.”

2 Kurintu. 5:16

Nu katanya, siginan katsi wami gamatangan ya sabaliwas taw, kata takalag fagayu nusnge wain. Ebi taguna katanya way nu gtoglag ami tam Fun Isus, ay katsi di katanya.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Filipus 3:12

Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Ebreu 6:1

Nu katanya, tam fagadalun sabaliwa tam Fun Isus, diwan ya taguna fag foyungan, nu bunway tagfaksvn tua tam fagafanudun. Lag tam gdog gadal sabaliwa nu gubun tam tam ngay nafakamulun at mauri tagfadasug antam sas fakabulun, ay sa baliwa nu setain nu gafanud tam sas Dius, ay sabaliwa nu gfasurung, ay sabaliwa nu e gfoli at daluap sas taw at alfuyu, ay sabaliwa at ngay kinbul nu gdog gleleg ay sabaliwa at yud e fakatabuan fag faurianan. Nu katanya yay gugat tam fagadalun, kata nu gdog tam nanturuk.

2 Pedru 3:8

Ku ngay fakesugun, lag am kalyam te, sa tam Fun sik menit kata nu sik libuk banwa, ay sik libuk banwa kata way sik menit.