Filipus 3:12 - Fanawbuid tagsibaliwas Fakayabian

¹² Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Filipus 3:12 ပူးပေါင်းရင်းမြစ်များ

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Alubad. 119:5

Guseganan au ankaksvn tua nu gfaning au am ngay foyungan.

Alubad. 138:8

Yawi, fafasludani am ngay algan sa angku. Nu kesug o, di e fakatabuan. Fafasludani wan am ngay nafasigad fag ngay fakamulun.

Alubad. 42:1

Dius, kaylat kwa daul nangakbang sa emu, kata sik arasyo nu gananginumun sa sik liskung.

Alubad. 63:8

Naugatan au ankakbang sa emu, ay am siun fag take gbakvd tua gugat angku.

Alubad. 84:2

Yawi, maksvn nu kaylat au nansakbo sam bale. Ay sas fagdaul ku amatanganan, guro au guseganan sa emu, o wan tagleleg fag Dius.

Alubad. 94:15

Ay ginanya ban, ngay taginsaful, matuyan wan nu ginsaful, ay at matuyan ban fag ngay taw gfaning tua.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Isayas 51:1

Yawi nalong te, “Dungugani angku, fagayu am takakbang sa angku laman umlangfe am. Amatangi ay mangaguyang Abrayam ay Sara. Dadwa kata sik fungsu, ay am at naggatvngan. Amatangi ay mangaguyang Abrayam, ay anggan Sara at nafasalug ayu. Ebi gina au nafili Abrayam, kanya sesadi yay, ay dewa katanya nafayu au at ngay kasugfunanan.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Mateu 5:48

Lag am e malong, kata ay Mama sas banwa nu yud e malong.

Fakamulun 9:15

Ay tam Fun nalong anya te, “Loi wan, aroro nafili au anya laman namatoglag angku sas yud Udyu fag ngay taw, sa sangay fun ay sa sangay taw Israel.

Ruma 8:39

ay fagayu awatan tagsis tungud, ay tagsis daga daga, ay nusnge wain fag awatan wa mafasaruayan antam siginans Dius at fakesugun at nafalag sa antam siginans Isus tam Fun.

1 Kurintu 13:10

Ay nu nsak ban fagayu nusnga setaw, umkalyam waban fagayu at kurang tagsi antam.

1 Kurintu 13:12

Aroro katsi nu glag tam, malikbug yay, kata yay nu nadama tam sa sik salaming, ay nu ndasug ban sik menit fagayu nusnga setaw mayamag tua sa antam. Ay katsi tam fagsafulun ya kasakan, dewa katanya nu ndasug ban sik menit, Dius gfasaful ban sa antam fagayu nusnga setaw.

1 Kurintu 9:24

Nasaful wam te, fagayu taggudgunan gtarung, ay dewa katanya, sadi way tagbabo. Nu katanya, fasinei fia nu gtarung am laman ban mababo tuam.

2 Kurintu. 13:9

Maksvn nu guseganan ami dewa ami mamomuy, am nu mabitsug tuam. Gdarangin ami ayu laman kaugat tua nu gfakamulun am at masine.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

Galasya 5:17

Aroro tam bilug at ngay fakaylatun wa gfadiuganan at Masine fag Falad at fakaylatun. Ay at Masine fag Falad at fakaylatun wa gfadiuganan tam bilug at ngay fakaylatun. Kanya fag dua gbadbaboan way. Nu katanya way, wam mafakamulun ay fakaylatun gfakamulun at masine.

Efesu 1:4

Aroro siginan tam fagmasadiun sa anya, kanya nafili antam siginan yay nu yud nawat fagdaul daga, laman umsine tam ay di tam e malong sas Dius at daga salubangan. Aroro kesug tua antam,

Efesu 4:12

Kanya nafakamulun katanya laman gfalganan sabaliwas Dius at ngay nafili at fakamulun ban, laman tam Fun Isus at bilug kaksvn tua.

Filipus 1:1

Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 3:16

At mafanud, fataglayuni nu gugali tam kata tam ngay nasaful.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

1 Tesalunika 5:15

Ay lag am gfasud tagfakamulun sa ayu at mauri, nu bunway malukmei tua sas galay am at sadi, ay sas fagayu taw.

2 Tesalunika 2:13

Em ngay faduksay tam Fun at fakesugun, guseganan ami gugat sas Dius aroro sa ayu. Guseganan ami aroro siginans fakasigadan Dius nafili wan ayu laman gfalangfe, aroro Dius at Masine fag Falad at fagmabalyananun nafasine ayu laman diam e malong ay laman gafanud tuam sat matuyan.

1 Timuteu 5:10

ay at nafakamulun tua fia at masine, kata nu gfagurang at sisian, ay nu guseganan gfasakbo sat bale at fagyudun toglag fag ngay taw, ay nu ggubuk Dius at ngay nafili ay ngay tagayudan, ay nu gfon at sadili sas nusnge wain fag fakamulun at masine.

1 Timuteu 6:19

Nu katanya tua at fakamulun, kanya gfaful at yud katabu fag ramraman at mogat fag fagsarigan sa takadasug ban, laman ban kanya magbilug at matuyan fag leleg.

Ebreu 12:14

Ugatani ugalii manabayan sis fagayu taw at daga salubangan, ay dangay e malong, aroro nusnga sinu fag taw wa ban lumag tam Fun nu e malong way.

Ebreu 12:23

Ay andasug wam sas Dius at ngay taw at maful, at natuyan te, at ngay sisian taguna kasalug. Kanya fagayu at ngay ngayan marirukan tua sis banwa. Ay andasug am sas Dius tagwabilug fagayu taw, ay sat matuyan fag ngay taw at ngay falad, Dius at nafayud e malong.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

Santiagu 3:2

Fagayu tam, ngayu tam nasalan. Sik taw nu ddi e nasalan sit longan, kanya sik yud e malong, aroro kanya gfaragang tua at sadili.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.