Filipus 3:11 - Fanawbuid tagsibaliwas Fakayabian

¹¹ Ay nu katanya, gseg au te, gdog yay ban gfaleleg angku.

Filipus 3:11 ပူးပေါင်းရင်းမြစ်များ

Alubad. 49:7

Dewa katanya, kanya fagayu wa makatu gbayad sas Dius laman gfalangfe at ngay sadili siginans fakabulun.

Lukas 14:14

Ay umdasug ban sa emu at masine. Kanya fag ngay taw wa mafasud emu, dewa katanya, Dius waban tagfasud sa emu gina at matuyan fag ngay taw gdog gleleg.”

Uan 11:24

Marta gbalus te, “Nasaful au te, kanya ban gdog yay gleleg sa taguyan fag menit, gina ban fagayu taw gdog gleleg.”

Fakamulun 23:6

Ay Pablu nu nasaful te, tibak taw tagsanya taw Saduseu ay tiba yangay, taw Fariseu, mabitsug nu garingang sanya fag ngay tagfangguna te, “Ku ngay faduksay, sik taw au Fariseu, anggan ku mama taw yangay Fariseu. Ku fagafauriananun katsi aroro e fagsegun au te, fagayu ban taw dewa nbul, gdog yay gleleg.”

Fakamulun 26:7

Ay kanya yangay fag fatuyanan tam mangaguyang fag labi duak gaban at fagsegun ay maksvn daul kanya nu gseg Dius kayu menit ay yabi. Fun Agripa, kanya yangay ngay taw Udyu at fagfantabuganun sa baliwa angku.

Fakamulun 27:12

Ay kanya fagayu nasaful te, sanya fag buknga wa masine fakatungkudan sakayan laman gfalangfe abagat, ay tangayu baliwa gfasadan laman gtaglayun ami glao, at amatanganan te, bangaran ro manga dumasug ami sas furuan Fenise, ay sanya nu gfalangfe ami abagat. Furuan Fenise sik fakatungkudan ngay sakayan lino sis furu Kreta tagsas indulungan baliwa.

Ruma 11:14

Bangaran ban manga siginan ku fakamulun, tiba ku kaiban fag ngay taw Udyu nalabian, ay laman ban tiba umlangfe yay.

1 Kurintu 15:23

Ay baliwan Dius e filian buknga nu gfadog ban gfaleleg galay sik taw. Tam Fun Isus wan taguna at nafaleleg, ay gina ban kanya anfoli, anggan ngay tagafanud sa anya gdog yangay gleleg.

1 Kurintu 9:22

Ay gina au si sangay taw at mamomuy at fagafanudun, kata kyangay anya fagayu, laman mafataban au kafag ngay taw sas fagafanudun. Fagayu ku fakamulun gfaning au nu setain sik taw at kayaunanan, laman ban tibak taw umlangfe tua, sas nusnga setaw fag balyawvtan.

1 Kurintu 9:27

Gfaidapan au ku bilug ay gfaragang au ku sadili fakaylatun aroro kwa kaylat nu sik fagaiyanun kban, nu ntabu au gfoyung sa ku ngay iba.

2 Kurintu. 11:3

Dewa katanya, gamatangan au gugat te, ay ngay amatanganan manyayu siginan at matuyan ay nu gafanud am sa tam Fun Isus, kata Eba nu gadayan ule.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

2 Tesalunika 2:3

Lag am gadayan nusnga sinu fag taw at foyungan, aroro ya kadasug kanya fag menit yakmay e gfawayan Dius, ay yakmay ban andasug at mauri fag taw tagafaurianan ban kabavn.

2 Timuteu 4:8

Tam Fun tagtuyan sabaliwas fagayu taw te, sinu takalangfe. Ay katsi kanya nafalganan sa angku sik famauseganan at fagnamonun ban sa angku gina ban taguyan fag menit, sik famasaful te, gtap angku kata nu yud au e asalanan. Nu gfon ban takatanya, bundi lang sa angku nu bunway anggan tua sas fagayu taw tagfanya anya nu kafoli.

Ebreu 11:35

Ay aroro tibak mangena gafanud tua sas Dius, kanya fagayu nalag yay Dius nu gfadog gfaleleg at ngay kinbul. Ay e nafaurianan tibak tagafanud ay wa kaylat ya kalfas, aroro natuyan te, magbilug tua ban at masine tsiuy baliwa fag leleg.

At Nafasure 20:5

Kanya fag ngay taw at naguna tiba gdog gleleg. Ay tiba at ngay kinbul yaban gdog gleleg yakmay ban anlangfe kafag sadik libuk banwa.