Filipus 3:10 - Fanawbuid tagsibaliwas Fakayabian

¹⁰ Katsi, kaylat au gtoglag tam Fun Isus, ay gyasafulun au at kamabalyananan aroro nadog naleleg, ay kata anya kaylat au nanginkidapan, ay namaning anya anggan sat nabulanan.

Filipus 3:10 ပူးပေါင်းရင်းမြစ်များ

Eremyas 9:23

At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Mateu 20:23

Ay Isus nalong yangay te, “E kin. Gdalan ban am takatanya fag fagidapun. Ay dewa katanya, at nanmalunggung ban gsumbalian angku bunwa au tagfili. Kafag ngay faglunggungan ku Mama tua at nafalganan sat ngay nafili.”

Uan 10:18

We mafabul siginan angku ku leleg, nu bunway gfon kwa fia. Ay e fagmabalyananun au gfon ay gbul. Katanya ku Mama at suguan sa angku.”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Ruma 8:17

Ay aroro Dius tua tam at ngay sisian, nangagbilug yangay ban tam Dius at nafalganan sat ngay taw gasfuan tam Fun Isus. At masine nu gagwantan yangay tam kata anya ebi, laman nangagbilug ban tam at fagmasineun.

Ruma 8:29

Dius nasaful wan at nafili fag ngay taw siginans fakasigadan, ay kanya yangay at nafalganan laman at namaning at Baguama, laman at Baguama wan ngayuk duksayan at kaka.

Ruma 8:36

Kata at kinriruk te, “Aroro sa ayu fagngabak menit si wamis fakabulun. Antap wami kata sik fagnamabulun fag ngay tupa.”

2 Kurintu. 1:10

Dius nafalangfe tua emi siginan kafag ngay faurianan tagfabul ma emi, ay gfataglayun tua nu gfalangfe emi. Ay gafanud ami te, kanya ban gfataglayun tua gfalangfe emi,

2 Kurintu. 1:5

Ay nu seyu em nadalan fag fagidapun aroro siginan em fagmasadiun sa tam Fun Isus, kayu yangay fia nya em nabul fagmasunun siginan anya.

2 Kurintu. 13:4

Ay kanya dewa mamomuy gina e gtuktuk anya sas fasulungan kayu, katsi kanya gleleg tua siginans Dius at fagmabalyananun. Aroro siginan em fagmasadiun sa anya mamomuy yangay ami, dewa katanya, katsi lumag am te, gleleg tuami siginans Dius at fagmabalyananun.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Galasya 6:17

Ay siginan ban nangus katsi, nusnga sinu fag taw lag gfamut ya ku fagidapun. Aroro ku ngay fangtat wan tagfatuyan te, au wan Isus at fagsuguan.

Efesu 4:13

Takatanya fag balyawvtan, umsadi tua tam sas fagafanudun ay tumoglag tam Dius at Baguama, laman umtuyan fia tam kaugalian kata tam Fun Isus nu matuyan.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

Kulusas 2:13

Ay am at yud Udyu fag ngay taw, ebi ginan mabulan am aroro sa ay asalanan. Ay dewa katanya, Dius nafaleleg tua ayu gasfuan tam Fun Isus ay nafalyam fagayu tam ngay asalanan.

Kulusas 3:1

Dius nafadog wan nafaleleg ayu gasfuan tam Fun Isus. Nu katanya, ay fagamatanganun fasai tua gugat sbanwa, sa tam Fun Isus, at malunggung sis Dius at siun.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

2 Pedru 1:13

Gamatangan au te, kaduge au gleleg ste sfagdaul daga, masine nu gfamatang au gugat sa ayu sabaliwa takatanya fagayu.

1 Uan 2:3

Siginan nu gfaning tam Dius at longan, gtuyan tam te, toglag tam anya.

1 Uan 2:5

Nusnga sinu tagfaning Dius at longan gfalag te, matuyan tua nu kesug Dius. Katatuy tam fagsafulan te, si tam anya:

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.