Filipus 2:9 - Fanawbuid tagsibaliwas Fakayabian

⁹ Ay Dius nafabalyanan anya ay nafon at ngayan gtungud yay tibak ngayan,

Filipus 2:9 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Alubad. 110:5

Fun Dius ban gufud emu kabavn. Gina ban kanya andotama, gfaurianan ngay fun.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

Alubad. 91:14

Dius glong te, “Gfalangfe au ay gdiri fagayu taw takesug ay tagtoglag angku.

Isayas 52:13

Yawi nalong te, “Ku fagsuguan ban gbabo. Kanya ban umsik takadungug ay mauseganan.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Lukas 10:22

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.”

Uan 13:3

Isus nasaful wa te, at Mama nafon wa anya fagdaul at fagmabalyananun, ay nasaful yangay te, kanya siginans Dius ay kafoli sas Dius.

Uan 17:11

Wa ban glugo ya nu ste au swa daga, kafoli kwa sa emu, ay dewa katanya am nafon fag ngay taw ste yay swa daga. Mama, matuyan o. Dirii kanya fag ngay taw siginan am ngayan at fagmabalyananun, laman siginan kafag ngayan am nafon sa angku, kanya ban fagayu masadi tua kata nu masadi ta.

Uan 17:12

Kaduge au magamut kafag ngay taw, nadiri au anya fagayu siginan am nafon angku fag ngayan at fagmabalyananun. Nalaga au fia kafag ngay taw ay nusdi sadi di e nfaurianan sas day kafag taw at nangafaurianan laman gfafasludan kata at marirukan sis Dius at Longan.

Uan 17:5

Nu katanya, Mama, fauseganani yangay angku sam day tigyangan kata gina ta magamut, gina yud ankawat fagdaul daga.

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

Efesu 1:10

nu ndasug ban at nafalganan fag buknga. Siginan ebi Dius e algan namasadi sa tam Fun Isus fagayu tagsis banwa ay tagsis daga.

Kulusas 1:18

Tam Fun Isus wan fagayu tagafanud at alfuyu, ay at bilug ngay tagafanud wan. Kanya at fakasigadan ay taguna gleleg siginan at fagmabulanan, nu katanya, kanya wan tagbilug sas fagayu.

2 Tesalunika 1:12

Nu katanya tua e namauseganan tam Fun Isus aroro siginan ay ugali, ay e namauseganan yangay ayu gasfuan anya siginan tam Dius ay tam Fun Isus at fagmagalangun.

Ebreu 1:4

Nu katanya, kanya gtungud tua ngay tagbarita aroro Dius at nafon anya fag ngayan gtungud tua at ngay tagbarita at ngayan.

Ebreu 1:9

Kaylat tuo fagmatuyanun, ay kauri o at mauri. Nu katanya, am Dius nafili emu, ay nafae fagusegananun emu gtungud yay sa am ngay iba.”

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

Ebreu 2:9

Dewa katanya, nalag watam Isus. Sik buknga sirut Dius nafababa Isus at kamafanudan, ay ginanya Isus wa kamafanud ya at ngay tagbarita. Ay dewa katanya, katsi Dius nafae fagmasineun tua anya ay nafauseganan aroro kanya nadalan wan sas fakabulun laman at nabulanan e tungkul tua sas fagayu taw aroro siginans Dius at fagmagalangun.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.

2 Pedru 1:17

gina tam Dius tam Mama gfon anya fagmasineun ay famauseganan. Anfasludan takatanya gina Dius garingang siginan tiba tungud fag fagmasineun te, “Tuy ku fakesugun ku Baguama; maksvn nu guseganan au anya.”

3 Uan 1:7

Aroro kanya fagayu glulian sa sangay furuan laman kamoyung sabaliwa tam Fun, ay wa gbul fanggubukun siginan at yud gafanud.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

At Nafasure 5:12

Ay kanya fagayu gfabia nu galubad te, “At kinbul fag Tupa Riangan at masine gbul fagmabalyananun ay fagmaramramanun, ay fagmamatanganun, ay fagmabitsugun ay fagsegun, ay fagmasineun, ay famauseganan.”