Filipus 2:6 - Fanawbuid tagsibaliwas Fakayabian

⁶ Aroro dewa si anya Dius at kawalungan, wa nagbilug at fagmadiusun;

Filipus 2:6 ပူးပေါင်းရင်းမြစ်များ

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 8:8

Ay kanya ban fagayu nu kadasug sas Uda, kata sik liskung nu gfamilugan at kabasadan sitsigons liug, ay gfalugde ban at ngay fakfak sa am talun.” Dewa katanya, Dius gufud tua emi!

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 23:6

Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Uan 1:18

Kabavn we taw nalag Dius. Ay dewa katanya, at mafilian fag Baguama at nafatoglag Dius sas fagayu taw, kanya Dius yangay ay gbanwan sit Mama.

Uan 10:30

Au ay ku Mama, sadi waymi.”

Uan 10:33

Ay kafag ngay taw gbalus anya te, “Em fagnamanaun emu bunwa siginan am ngay fakamulun at masine, nu bunway aroro nalong o mauri sabaliwas Dius. Aroro kamaningan o te, Dius yangay o, dewa o sik taw way.”

Uan 10:38

Ay nu gfakamulun ktua katanya, afanudi tua siginan ku ngay nafakamulun, deyud am kaylat gafanud sa angku. Nu katanya tua, sumaful am te, ku Mama si wa angku, ay au si kyangay anya.”

Uan 14:28

Nafoyung au sa ayu te, glo kwan, ay kafoli kyay ban sa ayu. Nu kesug tuam angku, guseganan tuam nangus nu glo au sa ku Mama, aroro ku Mama gtungud tua angku.

Uan 14:9

Isus gbalus te, “Felipe, ngaduge wan nu galo au ayu. O nunda yo natoglag angku? At nalag angku nalag yangay ku Mama. Wain yay am fagnalongun te, ‘Falagi emi am Mama’?

Uan 17:5

Nu katanya, Mama, fauseganani yangay angku sam day tigyangan kata gina ta magamut, gina yud ankawat fagdaul daga.

Uan 20:28

Ay Tumas nalong te, “Ku Fun ay ku Dius.”

Uan 5:18

Nu katanya, kanya fagayu nkugat nu gyafabulun Isus, aroro wa nafaning faugali sabaliwas Famiangalay fag Menit, ay at nalongan ya te, Dius ku Mama, nu katanya nafasudan at sadili sas Dius.

Uan 5:23

laman fagayu taw gseg angku, at Baguama, kata nu gseg ku Mama. Nusnga sinu at yud gseg angku, at Baguama, wa yangay gseg ku Mama, at nasugu angku.

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

1 Timuteu 1:17

Sadi way tam Dius at mabalyanan, at yud e fakatabuan fag Fun, ay at yud kabul, ay at yud kalag. Kabavn segi anya. Anud.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 1:6

Ay dewa katanya, gina Dius gsugu at Baguama fag sesadi ste swa daga, kanya nalong te, “Masine Dius at tagbarita fagayu nu gseg tua ban anya.”

Ebreu 1:8

Ay sabaliwa at Baguama, Dius nalong te, “Dius, am fagfagtainanan kabavn tua ban. Ay nu gfagtainan ban o, matuyan tua.

Ebreu 13:8

Tam Fun Isus di gbadbalian. Nu setain kanya ebi, katanya yangay anggan katsi ay kabavn ban.

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.