Filipus 2:29 - Fanawbuid tagsibaliwas Fakayabian

²⁹ Aylati fia nu ndasug sanya, aroro kanya tam faduksay sa tam Fun. Ay suyui yangay tibak taw takata anya.

Filipus 2:29 ပူးပေါင်းရင်းမြစ်များ

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Lukas 9:5

Ay nusnga nday fag talun at ngay taw nu dway kaylat ayu, nu glo am sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.”

Uan 13:20

Matuyan nu glong au ayu te, nusnga sinu takaylat ku nasugu, kaylat yangay angku. Ay nusnga sinu takaylat angku, kaylat yangay at nasugu angku.”

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Fakamulun 28:10

Ay kafag ngay taw gfauseganan mandi emi ay ngayu at famonun. Ay nu galoun wami, kanya fagayu nafon yay fia sa emi, em ngay fagayudanun kaba ami glao.

Fakamulun 8:8

Nu katanya, sanya fag furuan at ngay taw maksvn nu guseganan.

Ruma 10:15

Ay tain ro nu mananfamoyung nusnga sinu fag taw nu dway e gsugu anya? Kata at Rirukan te, “At kasine sik taw at darafa nu nalo laman namoyung at Masine fag Barita.”

Ruma 16:2

Aylati fia anya aroro sa tam Fun, kata ay fakamulun sa tibak faduksay, ay gubuki anya nusnga setaw at fagayudanun, aroro kanya nagubuk ngayuk taw, ay au wan at sadi at nagubuk.

1 Kurintu 16:10

Ay Timuteu nu ndasug sanya, gubuki fia anya laman umke fagmanabayanun tua sat amatanganan. Aroro kanya gfakamulun yangay kata angku laman sa tam Fun.

1 Kurintu 16:18

Kanya fag tulu nafasun tua angku ay anggan ayu. Esugi fia takatanya fag ngay taw.

2 Kurintu. 10:18

Aroro tam Fun wa kaylat sik taw tagseg at sadili, nu bunway at fakaylatun tagseg tua anya.

2 Kurintu. 7:2

Falagi tua sa emi te, kesug tuam emi. Kabavn wami e nafauri, ay wami nagewan ayu laman nantaban ami ayu sat mauri, ay wami e nadaya nusnga sinu si ayu.

Filipus 2:28

Nu katanya, kaylat au gfauli anya sa ayu aroro nasaful au te, maksvn ban nu guseganan am nu nalag am anya. Nu katanya tua, kdi ban gafanawa ya ayu.

Kulusas 4:10

Aristarku, ku ufud iste sis fagubungan taw, glong ayu te, O manabayan tuam? Katanya yangay anggan Markus, Bernabe at lagbe. Useganani fia fasakboi Markus nu ndasug sanya, kata ku suguan ayu.

1 Tesalunika 5:12

Em ngay faduksay, maksvn nu gsugu ami ayu te, suyui tua tagfakamulun laman sa ayu, tagfangguna ay tagfoyung ayu sabaliwa nu gfaning tam tam Fun.

1 Timuteu 5:17

Foni fia at kasakan sa sangay tagfangguna ngay tagafanud, kaugat wan sat maseganama nu gfoyung ay gfasaful Dius at Longan.

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.

3 Uan 1:10

Ay nu ndasug kban sanya, namoyung kban sa ayu at ngay longan at yud matuyan sabaliwa emi. Saman ya kanya, wa kaylat gfasakbo tam ngay faduksay at nadalan sanya, ay gsalag takaylat ggubuk, ay gaiyan ya.