Filipus 2:27 - Fanawbuid tagsibaliwas Fakayabian

²⁷ Matuyan, kanya anke fakasaitun ay arvs anbul wan. Baliwan tam Dius anfanyu tua anya ay anggan angku, aroro siginan at nafian, nalyam tua nu kabalu au maksvn.

Filipus 2:27 ပူးပေါင်းရင်းမြစ်များ

2 Fun 20:1

Ginanya, Esekyas anke fakasaitun ay arvs anbul wan. Ay Dius at taglong Isayas, Amus at baguama, nananlag anya ay nalong te, “Yawi nalong wa te, ‘Fadantei yap am ngay kalongan aroro wa kafia ya am fakasaitun ay umbul wo.’ ”

Ub 5:19

Kanya gfalangfe tua gugat emu galay o anke faurianan ay anke fakalimuun.

Alubad. 34:19

At matuyan fag ngay taw ngayu at fagidapun, dewa katanya, Yawi gfalangfe tua anya fagayu siginan at ngay fagidapun.

Isayas 27:8

Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 38:17

Matuyan wan, ku nadalan fag fagidapun anke fanambagun sa angku. Aroro nesug tuo angku, nafalangfe tuo angku siginans faurianan ay nafalyam tuo ku ngay asalanan.

Isayas 43:2

Dewa o glao sasad mamam, au wan am fadgaloan. Ay dewa o gdife sa sangay liskung, di o kalimus. Ay dewa o gdalan sasad afuy, wo kairug, ay di o kasugba dewa sasad igang.

Eremyas 10:24

Yawi, foyungi emi tagalvngvdan si em nafakamulun, ay lag o gfaurianan emi siginan am dotama, aroro mankamin ami.

Eremyas 45:3

‘Nalong o te, sik mafanyuan way o lang, aroro Yawi nafamut am fagidapun. Kalufuy wo gfandeng ay wo e buknga ya gfiangalay.’

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Abakuk 3:2

“Yawi, nadungug au sabaliwa am ngay nafakamulun, ay andulo au maksvn. Fakamuluni yangay sa emi kata ebi am nafakamulun. Ay gina ban o gfalag am dotama, afanyui tua emi.

Fakamulun 9:37

Ay ginanya, kanya anke fakasaitun ay anbul. Ay tibak tagafanud nafegus anya ay nabuba sat tungud fag suluk.

1 Kurintu 10:13

Ya batang e ndasug famaskud sa ayu, fagayu taw at yud nadalan fag famaskud. Matuyan tam Dius, di gfadasug sa ayu ay fagyudun makatu fag famaskud. Nu bunway kanya gfon ayu sik fagmabitsugun laman mababo tuam.

2 Kurintu. 2:7

Katsi falyami wan at asalanan ay fasuni anya laman wa kaksvn nu kabalu.

Filipus 2:26

Kanya maksvn nu gyalagun ayu, ay kabalu aroro nadungug am te, kanya e fakasaitun.

Filipus 2:28

Nu katanya, kaylat au gfauli anya sa ayu aroro nasaful au te, maksvn ban nu guseganan am nu nalag am anya. Nu katanya tua, kdi ban gafanawa ya ayu.

Filipus 2:30

Aroro siginan at nainlufuyan gfaning tam Fun Isus, arvs anbul wan, ay at leleg siwas fakalimuun laman gfakamulun sa angku ay fagyudun mafakamulun.