Filipus 2:2 - Fanawbuid tagsibaliwas Fakayabian

² faugati yap ku fagusegananun: masadii tua, ay edkesugani, ay masadii fia ay amatanganan ay anggan ay algan.

Filipus 2:2 ပူးပေါင်းရင်းမြစ်များ

Alubad. 122:8

Aroro kesug au ku ngay faduksay ay ku ngay fagadgalangan, katsi glong au sas furuan Erusalem te, “Fagmanabayanun si wa emu.”

Uan 3:29

Sa sik fainduganan, kanya wan at ke fagmasineun nangadadwa sat fabubayan. Ay nu gakadadwaun wan, at fainduganan at fagadgalangan gfanya anya, ay nu nadungug at aringang, maksvn nu guseganan. Katanya kyangay, maksvn nu guseganan au.

Fakamulun 1:14

Kanya fagayu gfataglayun tua nu masadi laman gdarangin, gasfuan ngay mangena ay anggan Maria, Isus at mina, ay Isus at ngay faduksay.

Fakamulun 2:1

Nu ndasug Pentekustes fag fagmafulun, fagayu tagafanud anful sa sik bale.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Fakamulun 5:12

Ngay nasugu nafakamulun at ngay madulo fag ngay fakatoglagan ay at madulo sa sangay taw. Ay fagayu tagafanud maful gugat sis Sulumun at Tangbi Aba.

Ruma 12:16

Ugalii tua manabayan sas galay am at sadi. Lag am kamatungudun nu bunway fasudsunani yangay dewa tagafalingunan fag ngay taw. Lag am gamatangan te, amamatanganan tuam ay iba.

1 Kurintu 1:10

Ku ngay faduksay, maksvn nu glong au sa ayu sa tam Fun Isus at ngayan te, diuganani tua, ay dangay am ginkafudan, nu bunway masadii tua ay amatanganan ay ay algan.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

2 Kurintu. 2:3

Katanya ku longan si ku rirukan, laman ban nu ndasug au sanya, kdi e fakabaluun siginan sangay taw tagfauseganan nangus angku. Aroro natuyan au te, ay fagusegananun tagfae fagusegananun ban angku.

2 Kurintu. 7:7

At nafasun emi bundi lang siginan Titu at nadasugan nu bunway siginan yangay ay nafasun anya. Kanya nabarita emi te, maksvn mandi nu gfanya am nu kadasug au. Ay nabarita yangay te, maksvn nu kabalu am ay nu kesug am angku, nu katanya, kaugat yay nu guseganan au.

Filipus 1:4

Galay au gdarangin ayu, guseganan au

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

Filipus 2:20

We tibak taw takaksvn nya nu kesug ayu kata nu kesug au ayu.

Filipus 4:2

Am fag duena Eudya ay Sintiki, get au sa ayu te, asadii wan aroro duksay am sa tam Fun.

Kulusas 2:5

Dewa au yud sanya gamatang ktua gugat ayu. Guseganan au aroro ay ugali masine tua, ay maksvn tua nu gafanud am sa tam Fun Isus.

2 Tesalunika 2:13

Em ngay faduksay tam Fun at fakesugun, guseganan ami gugat sas Dius aroro sa ayu. Guseganan ami aroro siginans fakasigadan Dius nafili wan ayu laman gfalangfe, aroro Dius at Masine fag Falad at fagmabalyananun nafasine ayu laman diam e malong ay laman gafanud tuam sat matuyan.

2 Timuteu 1:4

Galay au namatang nu gwayway o, maksvn nu gyalagun emu laman guseganan au.

Filemun 1:20

Ku faduksay, nu katanya, glong au sa emu te, aylati ku fagetun sa emu aroro sa tam Fun. Fae fagmanabayanuni ku amatanganan aroro tagfaduksay ta sa tam Fun Isus.

2 Uan 1:4

Guseganan au nu nalag au am sisian tiba nu gfaning at Matuyan kata tam Mama sis banwa at suguan antam.

3 Uan 1:4

We gtungud ya ku fagusegananun nu nadungug au te, ku ngay sisian sas fagafanudun gfaning tua at matuyan.