Filipus 2:17 - Fanawbuid tagsibaliwas Fakayabian

¹⁷ Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Filipus 2:17 ပူးပေါင်းရင်းမြစ်များ

Tap 28:6

Katatuy fag fanggalangun am fagnangirugun galay menit, kata Yawi at suguan ayu ebi sis Buksul Sinay. Ay Yawi guseganan at mabebanglu fag ayuk siginan kafag fagirugun fag fanggalangun.

Tap 28:7

Ay ay fanggalangun fag fanginum ay fagfasfuanun sas galay sik tupa at kayuan sik baringan fanlangu. Busbusi sit Mafasamanan fag Suluk laman sas Yawi.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Ruma 12:1

Nu katanya, ku ngay faduksay, aroro Dius kafanyu antam, maksvn nu get au sa ayu te, foni ay bilug sas Dius sik tagleleg fag fanggalangun, mafalganan ay tagfauseganan anya. Katatuy at matuyan nu gseg am Dius.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

2 Kurintu. 12:15

Guseganan au gfakamulun fagayu ku fakamulun ay gfon au anggan ku leleg aroro sa ayu. Wain ay fagyudun fia kesug angku, ay kaksvn wa kanya nu kesug au ayu?

2 Kurintu. 4:12

Nu katanya, kaduge ami garimanan gakabulun, gbul am leleg at yud e fakatabuan kabavn.

2 Kurintu. 6:10

Maksvn nu kabalu ami, ay dewa katanya, guseganan tuami gugat. Dewa mi kata at yud e kwa, gfaramraman tuami ngayuk taw. Ay dewa mi kata at yud e fagagbilugun, e kwa tuami fagayu nusnge wain.

2 Kurintu. 7:4

Maksvn nu gafanud au ayu, ay kabavn guseganan au aroro sa ayu. Dewa ngayu em fagidapun, maksvn tua ku fagmasunun, ay ngayu ku fagusegananun.

Filipus 1:20

Ay ku fakaylatun ay ku fagsegun kdi ban nangus umkapla nusnga setaw at kumdasug sa angku, abat ngate, gfaksvn au ku amatanganan, laman dewa au gleleg yay ay dewa au nbul wan, gfauseganan ktua gugat tam Fun Isus.

Filipus 2:18

Ay anggan am useganani yangay fasfuani angku.

Filipus 2:30

Aroro siginan at nainlufuyan gfaning tam Fun Isus, arvs anbul wan, ay at leleg siwas fakalimuun laman gfakamulun sa angku ay fagyudun mafakamulun.

Filipus 4:18

Aroro siginan ay fanggubukun, Epafruditu at nafosuk sa angku, nasawe yay sa ku day fagayudanun. Ay famonun sik mabebanglu fag fanggalangun, at maksvn nu masine ay nu maylat sas Dius.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

1 Tesalunika 2:8

Guseganan ami gfoyung Dius at Masine fag Barita sa ayu, aroro maksvn nu kesug ami ayu. Bundi lang kanya, nafon wami sa ayu anggan em leleg.

2 Timuteu 4:6

Gakabulun kwan. Kadasug wan ku fangabulan fag menit.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

1 Uan 3:16

Katatuy tam fagsafulan fakesugun at masuad: Isus nafon at leleg sa antam. Ay at masine nu gfon yangay tam tam leleg sa tam ngay faduksay.