Filipus 2:15 - Fanawbuid tagsibaliwas Fakayabian

¹⁵ laman katap tuam fia te, Dius am at ngay sisian, at yud e malong, ay sik fagfaningan kaduge am gfasuglatan sit yud matuyan fag ngay taw, ay laman di e kafoyung sas fagayu taw te, ay fakamulun mauri. Nu katanya tua, gdamlag am sas fagayu taw kata galeme nu masulo sis banwa,

Filipus 2:15 ပူးပေါင်းရင်းမြစ်များ

Alubad. 122:5

Ste yangay fag furuan, Dabid at ngay kasugfunanan fag ngay fun nu nanmalunggung laman nanginsaful.

Nu Galin 34:35

Muisis at fagnatabunun at kamatan laman ngay taw Israel di kasulo. Ay kanya nu gdog yay nanakbo sas Bale Ramit nabul yay fia at fantabun at kamatan laman gfakamatoan Yawi.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Fangatulun 8:8

Fagayu ku nalong matuyan, kdi kamuag ay kdi gfandaya.

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Daniel 6:4

Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Mateu 10:16

“Katsi gsugu au ayu kata sik ngay tupa sas wa idu talun. Ay am, mamatangani tua kata ule nu mamatanganan, ay katai yangay sik labikung nu magup.

Mateu 17:17

Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Mateu 5:45

laman umtuyan te, am wan ay Mama tagsis banwa at ngay sisian. Aroro Dius gfasure menit sat mauri fag taw ay sat masine fag taw. Ay gfarak sat matuyan fag taw ay sat yud matuyan fag taw.

Mateu 5:48

Lag am e malong, kata ay Mama sas banwa nu yud e malong.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Uan 5:35

Uan kata sik salung gigang gyamag, ay guseganan am sat buba fag fagmayamagun.

Fakamulun 2:40

Ngayu yay Pedru at foyungan laman gfatuyan at ngay longan, ay kanya get sa anya fagayu te, “Falangfei ay sadili ste ginan fag ngay taw mauri.”

Fakamulun 20:30

Siginan yangay ban ayu takamuagan fag ngay takamoyung, kanya ban fagayu, namalyam ngay tagafanud sas Isus at ngay fagafanudun, at fakaylatun te, laman namaning am anya.

Ruma 16:19

Maksvn nu kadungug am sabaliwa nu gfaning am tam Fun Isus, nu katanya, maksvn nu guseganan au ayu. Dewa katanya, ku fakaylatun nu nasaful tuam fia sabaliwa at masine fagayu nusnge wain, ay nu ddi am nasaful sabaliwa at mauri.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

2 Kurintu. 6:17

“Nu katanya, tam Fun glong te, Ayayui wan siginan kafag ngay taw. Ay lag am gted nusnge wain tagfasik masuya ayu. Nu nafakamulun tua ban am takatanya, kaylat kwan ayu.”

Efesu 5:27

Nu katanya tua, kanya mafasalubang at ngay taw sa anya, masine ay di e kalong nusnga setaw ay di e mauri, nu bunway masine tua ay matuyan.

Deuterunumyu 32:5

Dewa katanya, nafakamulun am at mauri sa anya, ay kanya natuyan te, “Bunwa am at ngay sisian ya, aroro siginan ay asalanan.” Sik ngay tagasalanan am ay at yud matuyan fag ngay gaban taw!

Filipus 1:10

laman saful tuam gfili fagayu at masine. Nu katanya tua ay amatanganan, diam e malong ay diam e fagmauriun gina ban tam Fun Isus andasug fag menit,

Filipus 3:6

Aroro siginan ku kamaseganaman, nafauri au ngay tagafanud. Ay nafafaning au fia em faugali.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

1 Timuteu 3:10

Ay faskudi yap anya fagayu, ay nu ddi am e nalag at fagmauriun, filii wan laman sik ngay tagtanud.

1 Timuteu 3:2

Katatuy at masine at ugali: di e kalong te, mauri, ay sadi way at mangena, ay saful tua gfaragang at sadili, ay di gfangadotama, ay masuyu tua, ay gfasakbo tua sat bale nusnga sinu fag taw, ay masine tua nu gfoyung,

1 Timuteu 5:14

Nu katanya way, gamatangan au te, masine ngap at mabaguina yay fag fagbubayun nu gdog gfanmangama, laman kae sisian ay gulit fia sat talanan, laman at yud gafanud we fagmalongun at mauri sabaliwa antam.

1 Timuteu 5:20

Dewa katanya, salagi ay faurii sisad fagngayuan taw ngay fagtainan at kinke asalanan, laman sik famararang sat iba.

1 Timuteu 5:7

Fakatanyai am foyungan laman we kadungug siginan anya fagayu at mauri.

Titu 1:6

Am fagfiliun at yud tua e kafoyung te, mauri, ay sadi way at mangena. Ay at ngay sisian gafanud tua, ay di kamabo ay di kamaogatun.

Titu 2:10

Ay foyungi yangay anya fagayu te, lag gfangkamul, nu bunway matuyani tua fagayu at fakamulun laman gfalag te, masine tua at foyungan sabaliwas Dius tam Tagfalangfe.

Titu 2:15

Sas fagdaul am fagmabalyananun, foyungi takatanya fagayu, ay fabitsugi sanya fag ngay taw at amatanganan, ay salagi at fagmauriun. Fakamuluni at matuyan laman nusnga sinu we gfalingun emu.

Ebreu 7:26

Nu katanya, Isus wan tam tiba tungud fag tagfon fanggalangun. Kanya masine, ay we malong, ay di e asalanan, ay masaman tua siginan sangay tagasalanan, ay nafabat anya sa tiba tungud fag banwa.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

At Nafasure 2:5

Amatangani ay kamomuyan katsi. Ubuni wan ay talyuyani ay ngay fakamulun at mauri, aroro nu dway ban am nafakamulun takatanya, kadasug au sa ayu ay namul kwan tagsi ayu fag fagfatungkudan salung.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.