Filipus 2:13 - Fanawbuid tagsibaliwas Fakayabian

¹³ aroro Dius tua tagfakamulun gugat sa ayu laman makatu am gfaning at fakaylatun.

Filipus 2:13 ပူးပေါင်းရင်းမြစ်များ

1 Fun 8:58

Kanya ban nangus ggubuk tua antam laman gbanwan tua tam kata at balyawvtan ay nu gfaning tua tam at ngay foyungan ay at ngay faugali at nafon sa tam ngay mangaguyang.

2 Krunika 30:12

Dius nafamatangan yangay ngay taw Uda, laman namakamulun yangay fun ay at ngay tagfangguna at suguan kata Yawi at suguan.

Esra 1:1

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan:

Esra 1:5

Yawi nafamatangan tibak taw Israel laman kafoli sas Erusalem. Nu katanya, kanya fagayu nafalganan laman nangawat Yawi at bale. Ay galo yangay sanya Uda ay Benamin at ngay kasugfunanan, anggan ngay tagfon fanggalangun, ay ngay taw Lebi.

Esra 7:27

Sanya ginan, Esra nalong te, “Segi Yawi tam ngay mangaguyang at Dius, at nafon sas fun sik amatanganan te, Fauseganani Yawi at bale sas Erusalem.”

Nemyas 2:4

Ay fun nainto te, “Nataw am fakaylatun?” Ay nadarangin au sas Dius,

Ub 33:29

Kin, kata kanya Dius at fagfakamulunun gugat sa sangay taw.

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 119:36

Gubuki angku laman kaylat ktua nangasaful ay nangalo am ngay foyungan. Nu katanya, kdi galabian ya ngay ramraman.

Alubad. 141:4

Fayayui angku siginan at mauri fag ngay fakamulun, ay siginan sangay taw tagfakamulun takatanya. Ay fayayui yangay angku siginan at ngay falganan fag ngay fakonun, laman kdi galoan.

Fangatulun 21:1

Sik funan at amatanganan kata sik liskung Yawi at fagfafamiluganun nusnga nday at fakaylatun.

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 32:38

Ay gtuyan kban anya fagayu te, ku ngay taw, ay au ban at Dius.

Lukas 12:32

“Lag am gafanawa, deyud am ngayu, aroro ay Mama naylat gfagtainan ayu.

Lukas 2:14

“Segi Dius tagsi tiba tungud fag banwa. Kanya nafae fagmanabayanun sas fagdaul daga, sat fakesugun fag ngay taw.”

Uan 3:27

Ay Uan gbalus te, “We taw mafakamulun takatanya nu dway e nafon anya fagmabalyananun siginans banwa.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Uan 6:65

Isus nalong yangay te, “Kanya wan ku fagnalongun ayu te, we taw manangakbang sa angku nu bunway ku Mama at fakaylatun.”

Fakamulun 11:21

Ay tam Fun nagubuk anya fagayu, nu katanya, ngayu at nafanud sat foyungan ay at nafaning tam Fun.

Ruma 12:3

Aroro Dius nafon tua sa angku tiba tungud fag fagmasineun, glong au sa ayu fagayu te, lag am gamatangan te, gtungud tuam ay iba, nu dway matuyan, nu bunway amatangani fia ay kayaunanan at matuyan, kata ay fagafanudun Dius at nafon sas galay ayu at sadi.

Ruma 9:11

Dius nafalag te, kata tua at algan nu gfili at ngay sisian, ay bunwa siginans taw at nafakamulun. Nu katanya, gina kafag duksay yud yay ansalug, ay gina yay yud nafakamulun at masine ay mauri, Dius nalong sas Rebeka te, “Am faglon ban gafagsuguanan am ngenge.”

Ruma 9:16

Nu katanya, Dius at algan bundi siginan taw at fakaylatun ay at fakamulun, nu bunway siginan tuas Dius at fakafanyun.

1 Kurintu 12:6

Dius at fon sa antam fag ngay fakamulun saman wa saman, ay dewa katanya sadi way tam Dius tagfafakamulun antam.

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

2 Kurintu. 3:5

Nu em sadili way, wami malong te, e fagmakatuun ami. Em fagmakatuun siginan tuas Dius.

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,

Efesu 1:5

kanya nafalganan antam laman kangayan tam te, at ngay sisian, siginans Isus tam Fun. Katanya at algan ay at fakaylatun.

Efesu 1:9

laman tumogdungug tam fia Dius at algan at masuksukan, gfaning at fakaylatun, at fagnamafasludanun siginan tam Fun Isus,

Efesu 2:8

Siginan Dius at fagmagalangun anlangfe am aroro gafanud tuam. Ay kafag fakalangfean bunwa siginan ayu, nu bunway siginan tuas Dius at famonun,

2 Tesalunika 1:11

Nu katanya, gdarangin ami gugat te, tam Dius ggubuk ayu laman matuyan tua nu gbanwan am, am fag ngay nafili. Ay gdarangin yangay ami te, Dius at fagmabalyananun taggubuk ayu sas fagayu at masine ay fakaylatun gfakamulun aroro sa ay fagafanudun.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Ebreu 13:21

Dius nangus gfon antam nusnge wain at masine laman namakamulun tam at fakaylatun, ay namakamulun sa antam nusnga setaw tagfauseganan anya siginan tam Fun Isus. Kabavn fauseganani anya. Anud.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.