Filipus 2:1 - Fanawbuid tagsibaliwas Fakayabian

¹ Dakngani maksvn wan ay amatanganan siginan ay fagmasadiun sa tam Fun Isus, ay gsudsunan am sat fakesugun, ay e fagmasadiun tuam sat Masine fag Falad, ay mafanggubuk tuam ay kedkesugan,

Filipus 2:1 ပူးပေါင်းရင်းမြစ်များ

Alubad. 133:1

Masine tua ay manabayan sik ngay taw tagfaduksayan nu gbanwan tua masadi.

Isayas 16:11

Nu katanya, kabalu au at kindasug sas Muab kata sik fagfawangun ke ngay bakyang at mabalu fag awang. Ay kabalu kyangay at kindasug sas Kir-Kareset.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Uan 14:18

“Kdi gfabayan ayu, nu katanya, di ban kata sik ngay sisian at yud e galaga. Kafoli kyay ban sa ayu.

Uan 14:27

Lag am gafanawa ay lag kalimu, aroro gfamato au sa ayu fagmanabayanun. Ku fon sa ayu fag fagmanabayanun, di kata tagste sfagdaul daga at fon fag fagmanabayanun.

Uan 17:13

“Ay katsi kafoli kwan sa emu. Katanya ku foyungan kaduge au ste swa daga laman kafag ngay taw maksvn nu guseganan kata nu guseganan au.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Fakamulun 4:32

Ay fagayu tagafanud masadi at ngay amatanganan ay wa nesug at ngay ramraman nu bunway sa tuas fagayu.

Ruma 5:5

Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.

Ruma 8:26

At Masine fag Falad ggubuk antam sa tam fagmamomuyun. Ya tam saful nusnge wain tam fagdaranginun, dewa katanya, at Masine fag Falad tagfaman antam gdarangin sas Dius, ay ginas tam fagyudun makatu garingang.

1 Kurintu 12:13

Aroro fagayu tam dewa taw Udyu ay taw Gresya, ay sik fagsuguan ay yud fagsuguan, ansurung tam laman masadi tam sa sik bilug. Ay sadi wayk Falad Dius at nafasakbo sa antam fagayu.

1 Kurintu 15:31

Kayu menit gsalubang au fakabulun. Nafoyung au sa ayu katanya aroro guseganan au ayu sa tam Fun Isus.

1 Kurintu 3:16

O yam nasaful te, am wan Dius at bale, ay at Masine fag Falad gbanwan si ayu?

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

Galasya 4:6

Aroro Dius tua tam at ngay sisian, kanya nafon antam at Baguama at Falad laman mauro tam anya te, “Mama.”

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 4:4

Ansadi tam sa sik bilug ay sa sik Falad, ay sadi yangay tam fagsegun at nafon antam gina nauro antam.

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Kulusas 2:2

Katanya ku fakamulun laman umkaksvn at ngay amatanganan, ay umsadi sas fakesugun, ay laman kanya fagayu tumogdungug ay sumaful fia sabaliwa Dius at algan at masuksukan, we tiba nu bunway tam Fun Isus.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

1 Pedru 1:2

Am wan Dius tam Mama at ngay nafili kata at fagsafulun siginans fakasigadan. Ay at Masine fag Falad gfasine ayu, laman gfaning tuam Isus tam Fun ay laman umkalyam ay ngay asalanan siginan at nabulanan. Sumawa nangus fia ayu tagtungud at fagmagalangun ay at fagmanabayanun.

1 Uan 3:24

Nusnga sinu tagfaning Dius at longan, kanya gbanwan sas Dius, ay Dius gbanwan si anya. Ay saful tam te, Dius gbanwan si antam siginan at nafon sa antam fag Falad.

1 Uan 4:12

We taw batang glag tam Dius. Dewa katanya, nu kedkesugan tua tam, Dius gbanwan tua si antam, ay at fakesugun siwa fia antam.

1 Uan 4:16

Ay nasaful tua tam ay gafanud tam te, Dius kesug antam. Dius ay fakesugun sadi way. Ay nusnga sinu tagbanwan sis fakesugun, kanya gbanwan yangay sis Dius, ay Dius gbanwan si anya.