Filipus 1:9 - Fanawbuid tagsibaliwas Fakayabian

⁹ Gdarangin au sas Dius laman kaksvn nu kedkesugan am, ay kae fagsafulun ay fagmamatanganun,

Filipus 1:9 ပူးပေါင်းရင်းမြစ်များ

Ub 17:9

At matuyan fag ngay taw gugali tua gugat at masine, ay at yud e asalanan fag taw umkaksvn.

Alubad. 119:66

Foyungi angku at matuyan fag algan ay at kasakan fag fagsafulun, aroro gafanud ktua sam ngay suguan.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

2 Kurintu. 8:7

Gtungud tuam tibak taw nu gfakamulun am nusnge wain: nu gafanud am, ay nu gfoyung am, ay nu e fagsafulun am, ay nu maseganama am gfaning tam Fun, ay nu kesug am emi. Nu katanya, ku fakaylatun te, masine yangay nu gfangguna am sabaliwa nu gfon am.

Efesu 5:17

Dangay am yud e fagsafulun, nu bunway atogdungugi tua te, setain tam Fun at fakaylatun.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Kulusas 3:10

ay nasulun am at bagu fag ugali. Dius, at nawat ayu, gfataglayun gfabagu ay ugali gfaning anya, laman tumoglag am fia anya.

1 Tesalunika 3:12

Em darangin te, tam Fun tagfabitsug ay tagfaksvn nu kedkesugan am ay nu kesug am fagayu taw, kata nu kesug ami ayu.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

2 Tesalunika 1:3

Em ngay faduksay, kabavn guseganan ami sas Dius aroro siginan ayu. Matuyan kanya em fakamulun aroro ay fagafanudun gtaglayun tua nu kaksvn, ay anggan nu kedkesugan am.

Filemun 1:6

Ay gdarangin au te, gina o gfoyung sam iba sabaliwa am fagafanudun, sumaful o fia fagayu at masine tam nabul siginan tam Fun Isus.

Ebreu 5:14

Ay at matugas fag fakonun kanya sa tua at mafagtainan at nasaful tua at matuyan ay at mauri.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.