Filipus 1:27 - Fanawbuid tagsibaliwas Fakayabian

²⁷ Nu katanya, ugatani nu gfaning am tam Fun Isus at Masine fag Barita. Aroro, nu katanya tua ay fakamulun, umdasug kman sanya ay duan, antuyan kwa fia te, takadungug si ayu maksvn nu masadi am ay nu ggudgubukan am gfabadbaboan laman ban tibak taw gafanud sat Masine fag Barita,

Filipus 1:27 ပူးပေါင်းရင်းမြစ်များ

1 Krunika 19:12

Ay Uab nalong sas Abisay te, “Nu nalag ro wo ngay taw Aram nu gababoun way emi, gubuki emi, ay ngay taw Amun ro nu gbabo way ayu, nanggubuk yay ro ami ayu.

Alubad. 122:3

Erusalem sik mogat fag furuan daul at masine nu mawatan.

Alubad. 133:1

Masine tua ay manabayan sik ngay taw tagfaduksayan nu gbanwan tua masadi.

Fangatulun 22:23

aroro Yawi taggubuk tua at ngay yud e kwa.

Eremyas 32:39

Ay namasadi kban at ngay amatanganan ay at ngay algan laman ban kanya fagayu gseg tua gugat angku, ay laman ban kanya fagayu ay anggan at ngay kasugfunanan e fagmanabayanun tua.

Mateu 12:25

Ay Isus nasaful kafag ngay taw Fariseu at amatanganan, ay nalong anya te, “Kayu fun at fagfagtainanan fag ngay taw nu gawayan way gugat, abandi kalyam wan kanya fag fagfagtainanan. Ay katanya yangay at kumfasludan sa sik furuan ay mannga sik talafuan nu gawayan way gugat.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Fakamulun 24:24

Nu nlangfe nu seyuk menit, Feliks gdog yay andasug ay nataban at bubay Drusila, sik taw Udyu. Ay kanya nafauro Pablu laman gdungugan at foyungan sabaliwas fagafanudun sas Isus, Dius at nafili fag Fun.

Fakamulun 4:32

Ay fagayu tagafanud masadi at ngay amatanganan ay wa nesug at ngay ramraman nu bunway sa tuas fagayu.

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 1:5

Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya.

Ruma 1:9

Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu,

Ruma 10:8

Nu bunway katatuy way at longan, “Dius at Longan munakbang si emu, ay si wa am bibig ay si am amatanganan.” Kanya wan at longan em foyungan sabaliwa nu gafanud sa anya.

Ruma 15:16

sik fagsuguan au fia aroro siginans Isus tam Fun laman sa sangay yud Udyu fag ngay taw. Kata au sik tagfon fanggalangun gina au kamoyung Dius at Masine fag Barita, laman at yud Udyu fag ngay taw umsik maylat fag fanggalangun sas Dius, aroro at Masine fag Falad nafayud tua e malong anya fagayu.

Ruma 15:29

Nasaful au te, nu ndasug kban sa ayu, gfon au sa ayu tagsiginan tam Fun Isus at famonun at yud e kurang.

1 Kurintu 1:10

Ku ngay faduksay, maksvn nu glong au sa ayu sa tam Fun Isus at ngayan te, diuganani tua, ay dangay am ginkafudan, nu bunway masadii tua ay amatanganan ay ay algan.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

2 Kurintu. 13:11

Ku ngay faduksay, ste way tsigon ku rirukan. Ugatani tua fia sat matuyan. Ay aloi kata em suguan ayu. Masadii tua ay amatanganan, ay banwani manabayan. Nu katanya tua, Dius at fakesugun ay fagmanabayanun si tua gugat ayu.

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 9:13

Aroro mafanggubuk tuam, takatanya gfatoglag am te, gfaning tuam at Masine fag Barita sabaliwa tam Fun Isus. Ay aroro nagubuk tuam anya fagayu, kanya ban fagayu guseganan yangay sas Dius.

Galasya 1:7

At matuyan, we tibak masine fag barita. Ku fagnalongun katanya, e gfasagsagan ay amatanganan ay gugatan namabali at Masine fag Barita sabaliwa tam Fun Isus.

Efesu 1:13

Ay kanya nafasadi yangay ayu sa tam Fun Isus nu nadungug am at matuyan fag longan, at Masine fag Barita tagfon fakalangfean. Ay aroro anke fagafanudun tuam, kanya nafon tua sa ayu at Masine fag Falad, laman at famatuyan te, kanya nafili ayu.

Efesu 1:15

Nu katanya, siginan nu gdungug au sabaliwa ay fagafanudun sa tam Fun Isus ay nu kesug am Dius at ngay taw,

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Filipus 1:5

aroro siginan nu bagu am gafanud dasug katsi, ggubuk tuam kamoyung at Masine fag Barita.

Filipus 2:12

Nu katanya, ku fakesugun ku ngay faduksay, kata ebi nu gfaning am gugat ku ngay foyungan ayu, faugati yap nu gfaning am deyud au sanya. Alimui tadtaruyani nu gugatan am gfakamulun at masine yakmay am antuyan te, masadi wam,

Filipus 2:24

Ku fagsegun siginan tam Fun at gubuk umdasug kyangay ban nangus vtv sanya.

Filipus 3:18

Kata ebi ginan ku longan gugat ayu, katsi galiasun au gdog glong sa ayu te, ngayu yayk taw tagugali gfawayan tam Fun Isus at nabulanan sas fasulungan kayu.

Filipus 3:20

Dewa katanya, tam fagbanwanan ban sa tuas banwa. Siginan yangay sbanwa, gfanya tam tam Fun Isus, tam tagfalangfe.

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:4

Aroro nadungug ami ay fagafanudun sa tam Fun Isus anggan ay fakesugun sas Dius at nafili fag ngay taw.

1 Tesalunika 3:6

Ay katsi Timuteu anfoli wan stie. Ay masine mandi at fadungugan sa emi sabaliwa nu gafanud am ay nu mafangesug am. Ay nafadungug yangay emi te, kabavn gamatang tuam emi ay maksvn nu gyalagun am emi kata nu gyalagun ami ayu.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

1 Timuteu 1:11

Kanya fag foyungan siginan at Masine fag Barita sabaliwa tam Dius at mabalyanan ay tam fagfausegananun. Dius nafatigwanan sa angku laman gfoyung au sabaliwa kafag Masine fag Barita.

1 Timuteu 1:19

ay laman e fagafanudun tuo ay masine am amatanganan. Tibak taw wa gfaning at matuyan fag amatanganan, nu katanya, kanya fagayu nafalyam at fagafanudun.

2 Timuteu 4:7

Naugatan au fia nafabadbaboan. Ay nafatabu ktua ku fagtarungun, ay nu gbanwan au, matuyan ktua gugat.

Titu 2:10

Ay foyungi yangay anya fagayu te, lag gfangkamul, nu bunway matuyani tua fagayu at fakamulun laman gfalag te, masine tua at foyungan sabaliwas Dius tam Tagfalangfe.

Filemun 1:5

aroro nadungug au te, kesug tuo tam Fun Isus, ay kesug yangay o Dius at ngay taw fagayu.

Santiagu 3:18

Ay sik taw takaylat gfae fagmanabayanun sat ngay iba, umke fagmasineun.

2 Pedru 3:11

Nu katanya way ban at fakatabuan nusnge wain, masine nu gugali tuam at yud e malong, ay nu gfaning tuam Dius.

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.