Filipus 1:25 - Fanawbuid tagsibaliwas Fakayabian

²⁵ Aroro katanya, gtuyan au te, gleleg kyay ban ay gfadgaloan ayu fagayu laman ggubuk au ayu nu gfataglayun am ay fagafanudun ay ay fagusegananun sa tam Fun.

Filipus 1:25 ပူးပေါင်းရင်းမြစ်များ

Alubad. 60:6

Dius, gina ami sim bale nalong o te, “Namabo kwan, ay nangafud furuan Sekem ay datag Sukut, laman sa ku ngay taw.

Lukas 22:32

Dewa katanya, nadarangin kwa emu, laman am fagafanudun wa kamomuy. Ay nu nfoli wo sa angku, faksvni anggan am ngay faduksay.”

Fakamulun 11:23

Ay Bernabe nu ndasug sanya, guseganan nu nalag Dius at fagmagalangun sa kafag ngay taw. Ay sas fagdaul at amatanganan kanya gfoyung sanya fag ngay taw Dius at longan, laman gfaning tua gugat tam Fun.

Fakamulun 14:22

ay nafaksvn ngay tagafanud at ngay amatanganan, ay nalong te, “Banwani matuyan sa ay fagafanudun.” Ay nalong yangay te, “Dumalan tam ngayuk fagidapun laman Dius gfagtainan tua ban antam.”

Fakamulun 20:25

“Ay saful kwa te, gina au kamoyung, nafoyung kwa sa ayu sabaliwa Dius nu gfagtainan, ay katsi glong au sa ayu te, siginan ban katsi, wa ban tam gdog ya gladlagan.

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

Ruma 15:18

Aroro kwa gfakamulun nusnga setaw nu nanfamatungudun kway, nu bunway ku fagfakamulunun tam Fun Isus tua at fakamulun, laman siginan ku foyungan ay ku fakamulun at yud Udyu fag ngay taw gfaning tua Dius.

Ruma 15:29

Nasaful au te, nu ndasug kban sa ayu, gfon au sa ayu tagsiginan tam Fun Isus at famonun at yud e kurang.

Ruma 5:2

Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun.

2 Kurintu. 1:24

Em fakaylatun wami namagtainan ayu sas fagafanudun, nu bunway ggubuk ami ayu laman guseganan tuam aroro maksvn wan ay fagafanudun.

Filipus 1:24

ay dewa katanya, amasine yap tua nu gleleg kyay, laman sa ayu.

Filipus 2:24

Ku fagsegun siginan tam Fun at gubuk umdasug kyangay ban nangus vtv sanya.

Filemun 1:22

Sadi ya ngaro ku fagetun sa emu. Falganani sim bale ku fagtaglayunan, aroro gafanud au te, umfoli kyay ban sa ayu kata ay ngay darangin.

1 Pedru 1:8

Dewa am yud batang glag anya, kesug tuam anya. Ay dasug katsi yam glag anya, dewa katanya gafanud tuam sa anya. Nu katanya, maksvn tua nu guseganan am, at kaksvnan we taw ya mafafoyung.