Filipus 1:22 - Fanawbuid tagsibaliwas Fakayabian

²² Baliwan kaduge au gleleg mafafakamulun au at masine fag ngay fakamulun. Kwa saful katsi nu inday ku fagfiliun.

Filipus 1:22 ပူးပေါင်းရင်းမြစ်များ

Fakasigadan 21:26

Abimelek nalong te, “Kwa nasaful nu sinu at naago. Wo nalong sa angku, ay katsi yay nu gsaful au.”

Fakasigadan 39:8

Dewa katanya, Use wa naylat. Glong way te, “Dungugani yap angku. Ku tagfayafun nafatigwanan wan sa angku ay ngay ramraman ay we fagamatanganun ya sis bale.

Alubad. 71:18

Dius, dewa au mafufuama wan ay gubanun, lag gfabayan angku. Agbilugi angku laman ban mafafoyung kyay am fagmabitsugun ay am fagmabalyananun sat fadogan fag ngay sugfun.

Nu Galin 32:1

Muisis nangaduge nu sis tungud buksul ay ngay taw nanbang gfanya anya nu gtagbung, ay anful sas Arun at daga salubangan ay nalong te, “Agvd, awati sik fagsegan laman kanya tagfangguna antam, aroro watam saful ya te, nataw at kindasug sas Muisis, at nataban antam siginans talun Igiptu.”

Fakamulun 3:17

“Ku ngay faduksay, nasaful au te, wam nasaful ay nafakamulun sas Isus, ay katanya yangay ay ngay tagfangguna.

Ruma 1:13

Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan.

Ruma 11:2

Dius wa naiyan at furuan at nafili siginans fakasigadan. O nunda yam nasaful at marirukan sis Dius at Longan sabaliwas Elyas? Kanya gdarangin sas Dius aroro sa sangay taw Israel at fakamulun mauri.

2 Kurintu. 10:3

Ay dewa ami gbanwan ste swa daga, em famawayan bunwa tagste swa daga fag ngay balyawvtan.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Filipus 1:23

Gawabilugan au te, inday tuy fagdua at masine: kabul kwan ay mannga gleleg kyay. Kaylat kwan gfalyam ku leleg katsi laman gfaday tigyangan kwan tam Fun Isus, aroro tuy wan tiba tungud at masine sa angku,

Filipus 1:24

ay dewa katanya, amasine yap tua nu gleleg kyay, laman sa ayu.

Kulusas 2:1

Kaylat au nu sumaful am te, se aksvn nu gugatan au gfakamulun laman sa ayu, ay sas fagayu tagafanud sis Laudisya ay anggan yangay sas fagayu at yud batang glag angku.

1 Pedru 4:2

Ay kaduge gleleg wa gfaning ya at bilug at fakaylatun, nu bunway at fagfaningun Dius tua at fakaylatun.