Filipus 1:21 - Fanawbuid tagsibaliwas Fakayabian

²¹ Aroro dewa au gleleg yay, tam Fun Isus tagagbilug ku leleg, ay nu nbul kwan, e tungkul kwan.

Filipus 1:21 ပူးပေါင်းရင်းမြစ်များ

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

1 Kurintu 3:22

Dewa au, ay Apulus ay Pedru ay fagayu tagste swa daga, anggan leleg ay fakabulun ay dewa katsi fia ay takadasug ban. Am wan tagagbilug kanya fagayu.

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

2 Kurintu. 5:6

Nu katanya, em amatanganan mabitsug tua gugat aroro nasaful wami te, kaduge tam ste swa daga si tam bilug fag fagbanwanan, ya tam si tam Fun at day tigyangan.

2 Kurintu. 5:8

Guseganan wami, ay gamatangan wami te, masine wami gubun tuy fag bilug laman namanwan tuami sa tam Fun at day tigyangan.

Galasya 2:20

Ay kata nu nbul au sas fasulungan kayu gasfuan tam Fun Isus, ay katsi ku ugali gfaning ktua tam Fun Isus. Ay kaduge au gleleg ste swa daga, gafanud au sas Dius at Baguama at nesug angku ay at nafon at sadili laman sa angku.

Galasya 6:14

Lag au nangus kamatungudun, nu dway sabaliwa tam Fun Isus at nabulanan sas fasulungan kayu. Aroro siginan takatanya, fagayu nusnge wain ste sfagdaul daga we tungkul ya sa angku, ay anggan au kwa yangay e tungkul ya sas fagdaul daga.

Filipus 1:20

Ay ku fakaylatun ay ku fagsegun kdi ban nangus umkapla nusnga setaw at kumdasug sa angku, abat ngate, gfaksvn au ku amatanganan, laman dewa au gleleg yay ay dewa au nbul wan, gfauseganan ktua gugat tam Fun Isus.

Filipus 1:22

Baliwan kaduge au gleleg mafafakamulun au at masine fag ngay fakamulun. Kwa saful katsi nu inday ku fagfiliun.

Filipus 1:23

Gawabilugan au te, inday tuy fagdua at masine: kabul kwan ay mannga gleleg kyay. Kaylat kwan gfalyam ku leleg katsi laman gfaday tigyangan kwan tam Fun Isus, aroro tuy wan tiba tungud at masine sa angku,

Filipus 2:21

Aroro tibak taw at fagugatanun sa way lang at sadili fakaylatun, wa gfaning tam Fun Isus at fakaylatun.

Kulusas 3:4

Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”