Filipus 1:15 - Fanawbuid tagsibaliwas Fakayabian

¹⁵ At matuyan tibak taw nu kamoyung sabaliwa tam Fun Isus galabian way ku fakamulun ay kaylat gfawayan. Ay dewa katanya tibak taw nu kamoyung, at algan matuyan tua.

Filipus 1:15 ပူးပေါင်းရင်းမြစ်များ

Mateu 23:5

“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 11:20

Dewa katanya, tibak tagafanud siginans Sipre ay siginans talun Sirene nanangalo wan anya fagayu. Ay kanya fagayu nu ndasug sas furuan Antiukya nafoyung sas yud Udyu fag ngay taw at Masine fag Barita sabaliwa tam Fun Isus.

Fakamulun 5:42

Kayu menit, kanya fagayu gsakbo sas Dius at bale ay sa sangay bale, ay gfataglayun gfoyung at Masine fag Barita sabaliwas Isus, Dius at nafili fag Fun.

Fakamulun 8:35

Siginan kanya fag rirukan Felipe nafoyung sa anya at Masine fag Barita sabaliwas Isus.

Fakamulun 8:5

Ay Felipe nalao sa sik furuan sis talun Samarya, ay nafoyung sanya sabaliwa Dius at nafili fag Fun.

Fakamulun 9:20

Ay Saulu gfasigad gfoyung si sangay taw Udyu at ngay bale fakafulan, ay glong te, Isus wan Dius at Baguama.

Ruma 2:8

Dewa katanya, Dius ban gfadasug at dotama sa sangay taw takamasadiliun ay at yud gfaning at matuyan, nu bunway gfakamulun way at mauri.

1 Kurintu 1:23

Ay dewa katanya, em foyungan sabaliwa tam Fun Isus at natuktukan sas fasulungan kayu, kata way sik fakataidan sa sangay taw Udyu, ay we tungkul sas yud Udyu fag ngay taw.

1 Kurintu 13:3

Dewa ro au nafon fagayu ku ramraman, ay dewa ro au nafon wan ku bilug laman nangirug, nu dway ngap si angku fakesugun, we masuad sa angku.

2 Kurintu. 1:19

Au ay Silas ay Timuteu, em foyungan sa tua baliwa Dius at Baguama, Isus tam Fun. Ay em foyungan bunwa Sabv, abandi ban nu Duan way, nu bunway kata tua Isus nu yud gfabadbalian at fatuyanan.

2 Kurintu. 11:13

Takatanya fag ngay taw takamuagan way fag ngay nasugu ay tagfandaya fag tagfakamulun, ay kanya fagayu kamuagan te, “Ami wan tam Fun Isus at nasugu.”

2 Kurintu. 12:20

Aroro gafanawa au te, gina kban andasug sanya, e lagan kway ban manga ku fagyudun guseganan si ayu, ay e lagan yangay ban am manga ay fagyudun guseganan ku fakamulun, ay gawayan way ban am manga, ay galabian ay iba, ay kadkadotaman, ay gbadbaboan, ay glong at yud matuyan sabaliwa ay iba, ay ginasan sat yud matuyan, ay kamatungudun, ay gugali at yud matuyan fag ugali.

2 Kurintu. 4:5

Gfoyung ami sa ayu sabaliwas Isus tam Fun, ay bunwa sabaliwa em sadili. Gfakamulun ami laman sa ayu aroro sas Isus.

Galasya 2:4

Fakatanyaun, aroro ngay taw takamaningan te, gafanud, ansuglat si antam laman masuksuk ginsaful te, tain tam Fun Isus nu gfalfas antam, ay kanya kaylat nu gdog tam gafagsuguanan Muisis at Faugali.

Filipus 2:3

Fagayu ay fakamulun lag gfaning ay sadili fakaylatun ay lag kamatungudun. Nu bunway famababauni tua, ay amatangani te, em iba amasine yap tua emi.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.