Filipus 1:13 - Fanawbuid tagsibaliwas Fakayabian

¹³ Aroro fagayu tagulit ay tiba yak taw sis fun at bale daul nasaful te, ku faginkubungun galo au fia tam Fun Isus.

Filipus 1:13 ပူးပေါင်းရင်းမြစ်များ

Fakamulun 26:29

Pablu nabalus te, “Dewa katsi ay dewa ban ngaduge yay, gdarangin au sas Dius te, bundi ban nangus o lang at kumke fagafanudun kata angku, nu bunway anggan tua ban nangus fagayu tagdungugan angku katsi. Ay am ban nangus diam kaubung kata angku.”

Fakamulun 26:31

Ay kanya fagayu nu naduksun gkamatoan te, “Kafag taw we nafakamulun nusnga setaw at mauri sak gfabul ay gfaubung anya.”

Fakamulun 28:17

Nu nlangfe tuluk menit, Pablu nafauro taw Udyu at ngay tagfangguna. Ay nu nful wan, Pablu glong sa anya fagayu te, “Ku ngay faduksay, dewa yud au e nafakamulun nusnge wain tagfauri tam furuan ay tam ngay mangaguyang at ngay faugali, e nagamat angku sis Erusalem ay nafon angku sas taw Ruma laman gfaurianan angku.

Fakamulun 28:20

Kanya wan ku fagnafauroun ayu, kaylat au gyalagun ay gfakamatoan ayu aroro ku fagmasalodanun fia salambitan aroro sa sangay taw Israel at fagsegun.”

Fakamulun 28:30

Pablu nabanwan sis Ruma sit fagtaglayunan fag bale, mabuktung duak abagat, ay kaylat mandi gfasakbo ngay taw at nansibo anya.

Efesu 3:1

Aroro katanya, au, Pablu, maubungan au aroro kamoyung au sa ayu yud Udyu fag ngay taw sabaliwa tam Fun Isus.

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Efesu 6:20

Dius nasugu angku laman kamoyung au at Masine fag Barita, ay kanya wan ku fagmasiukanun katsi. Nu katanya, darangini angku laman maseganama nu gfoyung au kata at masine.

Filipus 1:30

Katsi, ansadi am sa angku gfabadbaboan kata ay nalag ku fagidapun ebi ay ay nadungug fag fagidapun tagsi yay gugat angku dasug katsi.

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

Filipus 4:22

Ay tam ngay faduksay tagste, kaugat wan at ngay taggubuk sis talun Ruma at fun at bale daul, glong yangay te, O manabayan tuam?

2 Timuteu 2:9

Aroro siginan takatanya, anke fagidapan au ay masiukan au salambitan kata sik tagasalanan. Ay dewa katanya, Dius at Longan we masiuk.