Filipus 1:11 - Fanawbuid tagsibaliwas Fakayabian

¹¹ ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Filipus 1:11 ပူးပေါင်းရင်းမြစ်များ

Alubad. 1:3

At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

Isayas 5:2

Kanya naali ay nabul wan fagayu gang, ay natanum sanya at mafilian fag ngay fananum ubas. Ay nawat sanya sik bale ngabat fagnangulitan, ay nafagarvy yangay gang laman at fagturisan at gutluan. Sanya ginan, kanya gfanya at rawvg at matamis, ay aroro mangaro, at rawvg mayat way.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Isayas 61:11

Aroro nu setain ngay fananum nu gtugbung sis daga, katanya yangay Yawi tam Fun nu gfasure fagmasineun ay famauseganan sas fagayu talun.

Mateu 5:16

Ay ugali katai sik salung nu gdamlag sas fagayu taw, laman ngay taw nu nalag te, masine ay fakamulun, sumeg ay Mama sas banwa.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Uan 15:8

Gfafauseganan am ku Mama nu ngayu tua ay rawvg, ay nu katanya tua, gfatuyan am te, am wan ku ngay tagadal.

Ruma 15:28

Ay gina kban nanamuba ku nalong ayu fag fanggubukun sa tam ngay faduksay sis Erusalem, gdalan kban sa ayu gina au sas talun Espanya.

Ruma 6:22

Ay katsi nalfas wam siginans asalanan, ay Dius tuam at ngay fagsuguan. Ay sanya ginan anke leleg tuam at yud e fakatabuan.

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

2 Kurintu. 9:10

Dius gfon bvtang sa sangay tagtanum ay gfon fakonun sas fagayu taw. Ay kanya gfamut ay ramraman laman kaksvn tua nu kamon am sa sangay yud e kwa.

Efesu 1:12

laman ami, at naguna gafanud sa tam Fun Isus, gfauseganan ay gseg ami anya aroro sat kamasinean.

Efesu 1:14

At Masine fag Falad famatuyan te, magbilug tam Dius at ngay fatuyanan sa antam at ngay nafili, yakmay ban tam nabul fakalangfean. Segi anya aroro sat kamasinean.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Efesu 5:9

Aroro tagsis fagmayamagun at rawvg masine tua ay matuyan ay mafanud.

Filipus 4:17

Dewa katanya, kwa grvbvy ay famonun, nu bunway kaylat au gyalagun ay fakamulun at masine nu kafamut.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

2 Tesalunika 1:12

Nu katanya tua e namauseganan tam Fun Isus aroro siginan ay ugali, ay e namauseganan yangay ayu gasfuan anya siginan tam Dius ay tam Fun Isus at fagmagalangun.

Titu 3:14

Ay foyungi sa tam ngay faduksay te, fakamuluni tua at masine laman fagayu di e gayudan, ay laman ban di nfangulan ay leleg.

Ebreu 12:11

Kaduge nu gatul antam, wa tam guseganan nu bunway gidapan way tam. Dewa katanya nu nafaning tua tam at fangatulun, masine tua tam fakamulun, ay umke fagmanabayanun tua ban tam.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.

1 Pedru 2:5

am takata yangay sik tagleleg fag ngay gang, Dius at fangawat laman umkawat sik fanfalad fag bale. Dius nafili ayu laman at ngay tagfon fanggalangun, ay gfon am sa anya fanfalad fag ngay fanggalangun, at maksvn nu maylat sa anya siginans Isus, Dius at nafili fag Fun.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Pedru 4:14

Ay nu e gfalingun ayu aroro sa tam Fun Isus, mauseganan am, aroro si tua ayu at Masine fag Falad tagsiginans Dius.