Filipus 1:10 - Fanawbuid tagsibaliwas Fakayabian

¹⁰ laman saful tuam gfili fagayu at masine. Nu katanya tua ay amatanganan, diam e malong ay diam e fagmauriun gina ban tam Fun Isus andasug fag menit,

Filipus 1:10 ပူးပေါင်းရင်းမြစ်များ

Fakasigadan 20:5

Masdi Abrayam nalong angku te, at faduksay way Sara. Ay anggan Sara nalong yangay te, at faduksay way Abrayam. Nu katanya, masine way ku algan dewa au nabul Sara.”

Ub 12:11

Taw at talinga fanginsaful te, inday at masine ay at mauri fag longan kata at leplep nu gfaskud fakonun.

Ub 34:3

Leplep gfaskud fakonun, ay talinga gdungugan aringang at matuyan ay at yud matuyan.

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Mateu 16:23

Ay Isus anbiling ay nasalubang Pedru ay nalong anya te, “Satanas, lag ste ya! Gfataid wayo angku. Aroro am amatanganan bunwa Dius at algan, nu bunway taw way at algan.”

Mateu 26:33

Ay Pedru nalong anya te, “Ku iba ro fagayu dewa naubun emu, au kwa gubun emu.”

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

Uan 3:20

Ay nusnga sinu fag taw tagfakamulun at mauri, kanya kauri fagmayamagun ay wa kaylat nangakbang sas fagmayamagun laman at fakamulun masuksukan.

Fakamulun 24:16

Aroro katanya kabavn gugatan au gfasik matuyan ku amatanganan sas Dius at daga salubangan ay sas fagayu taw.

Ruma 12:2

Lag am gfaning fagdaul daga at ugali, nu bunway asamani way ay tubusi ay amatanganan laman sumaful am Dius at fakaylatun, at masuad at masine ay tagfauseganan fia anya, ay at matuyan fia.

Ruma 12:9

Matuyani tua nu kedkesugan am. Aurii at mauri, ay esugi at masine.

Ruma 16:17

Ku ngay faduksay, maksvn nu glong au sa ayu te, amatangani fia ay dirii nusnga sinu tagfasaruayan ayu sa ay fagmasadiun, ay tagfamomuy tibak taw at fagafanudun, ay tagfoyung tibak foyungan tagfabadbaboan ay nadungug wan fag foyungan. Ayayui siginan takatanya fag ngay taw.

Ruma 2:18

Nasaful am nu setain Dius at fakaylatun, ay saful am gfakamulun at masine fag fakamulun, aroro e nafoyung wan sa ayu Muisis at Faugali.

Ruma 7:16

Katsi ku fagfakamulunun nu ku fagyudun way kaylat fag fakamulun, at masuad gafanud au te, masine Muisis at Faugali.

Ruma 7:22

Sas fagdaul ku amatanganan guseganan au sas Dius at Faugali.

Ruma 8:7

Tagamatangan gugat sabaliwa at bilug at fakaylatun, gfawayan Dius. Wa kaylat gfaning at Faugali, ay wa makatu gfaning.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

1 Kurintu 10:32

Dangay am gfae asalanan nusnga sinu fag taw, ngay taw Udyu, ngay taw Gresya, ay anggan Dius at ngay taw.

1 Kurintu 8:13

Nu katanya, nu siginan way ku naon tagfae asalanan ku faduksay, kwa ban kon ya yamas laman kdi gfae asalanan anya.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

2 Kurintu. 6:3

Di mi gfataid nusnga sinu fag taw, laman di e gfalingun em fakamulun.

2 Kurintu. 8:8

Dewa au nalong takatanya, kwa gsugu ayu. Nalong kway sa ayu tibak taw nu ggubuk, laman gfalag am sa emi te, nu kesug am matuyan tua.

Galasya 5:11

Ku ngay faduksay, e glong te, gfoyung au te, masine fagayu taw nu gfae fakatoglagan laman katap kata nu yud e asalanan. Nu matuyan di takatanya, wain ngay taw at fagfauriun yay gugat angku? Nu gfoyung kway ro takatanya, wa ro e tungkul tam Fun Isus at nabulanan sas fasulungan kayu.

Efesu 4:15

Nu bunway tam longan kabavn matuyani tua ay e fakesuguni tua laman kamayewa tagsi antam kaksvn tua tam sa tam Fun Isus, kanya wan tagfun sas fagayu.

Efesu 5:10

Rvbvyi tua te, inday fag ngay ugali tagfauseganan tam Fun.

Efesu 5:27

Nu katanya tua, kanya mafasalubang at ngay taw sa anya, masine ay di e kalong nusnga setaw ay di e mauri, nu bunway masine tua ay matuyan.

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Filipus 1:16

Kafag ngay taw at matuyan at amatanganan kamoyung sabaliwa tam Fun Isus aroro kesug angku, ay kanya fagayu nasaful te, ku fagmaubunganun aroro nafoyung au at Masine fag Barita at kamatuyanan.

Filipus 1:6

Natuyan au te, Dius at nafasigad sa ayu fag fakamulun at masine, kanya ban gfataglayun yakmay tam Fun Isus anfoli.

Filipus 2:16

kaduge am gbakvd tagfon leleg fag longan. Ay nu katanya tua ay fakamulun, e fakamatungudunun kban gina tam Fun Isus gdog kafoli, aroro saful au te, di ban umfangulan ku ngay nafakamulun sa ayu.

1 Tesalunika 3:13

Kanya nangus gfabitsug ay amatanganan laman diam e malong, ay diam e mauri sa tam Dius tam Mama at daga salubangan, gina ban tam Fun Isus gdog andasug, gasfuan at ngay nafili.

1 Tesalunika 5:21

nu bunway insafuli kanya fagayu, ay bakvdi nusnge wain at masine,

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

Uswe 24:14

“Nu katanya, katsi, esugi Yawi ay fakamuluni at matuyan. Ubuni wan ay ngay mangaguyang at fagsegan ebi gina sis dife Liskung Eufrates sis talun Igiptu, ay fakamuluni yakman sas Yawi.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

At Nafasure 2:2

Saful kway ay ngay fakamulun, ay ay faginlufuyanun ay anggan ay fagagwantanun. Ay saful au te, kauri tuam at mauri fag ngay taw. Ay nainsaful am fia sa baliwa takamaningan fag ngay nasugu, ay natuyan am te, kanya fagayu kamuagan way.