Filipus 1:1 - Fanawbuid tagsibaliwas Fakayabian

¹ Ami fagdua, Pablu ay Timuteu, tam Fun Isus at ngay fagsuguan. Griruk ami sa ayu Dius at nafili fag ngay taw siginan nu nsadi am sa tam Fun Isus, sanya sfuruan Filipus, anggan sa ay ngay fagtainan ay sa ay ngay tagtanud:

Filipus 1:1 ပူးပေါင်းရင်းမြစ်များ

Markus 13:34

Kata sik taw tagaloun sa tangayayu fag talun. Kanya naubun at bale ay nafaalaga at ramraman ay nafae fakamulun at ngay fagsuguan. Ay kanya nasugu at tagulit sakbawan bale, laman gulit tua fia.

Uan 12:26

Nusnga sinu takaylat nangafagsuguanan angku, aloi angku. Ay nusnga nday au, anggan kanya sanya yangay. Ay ku Mama gfauseganan nusnga sinu tagfaning angku.

Fakamulun 1:20

Ay Pedru nalong te, “Anriruk sas Alubad fag fafil te, ‘Wa ban nangus e namanwan ya sat fagbanwanan, ay salagi tibak taw nu namanwan sanya.’ Ay anriruk yangay te, ‘Tiba waban ktaw tagfataglayun at fakamulun.’

Fakamulun 20:28

Dirii ay sadili, ay fagayu tagafanud at Masine fag Falad at nafatigwanan sa ayu laman galaga Dius at furuan, at nabayad siginan at sadili taguk.

Fakamulun 9:13

Ay Ananias gbalus te, “Ku Fun, ngayu ku nadungug sabaliwa kafag taw te, ngayu kanya at nafaidapan am ngay nafili sis Erusalem,

Ruma 1:1

Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.

Ruma 1:7

Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

1 Kurintu 16:10

Ay Timuteu nu ndasug sanya, gubuki fia anya laman umke fagmanabayanun tua sat amatanganan. Aroro kanya gfakamulun yangay kata angku laman sa tam Fun.

2 Kurintu. 1:1

Au Pablu, tam Fun Isus at nasugu kata Dius at fakaylatun. Ay tam faduksay Timuteu magamut si angku. Griruk ami sa ayu, Dius at ngay taw sis Kurintu, ay at nafili fag ngay taw sis talun Akaya.

Galasya 1:10

O ku fagnafoyungun takatanya laman ngay taw gfauseganan angku? Duan! Ku fakaylatun Dius tua tagfauseganan angku. Nu kaylat kway ro ngay taw nu gfauseganan angku, bunwa au tam Fun Isus at fagsuguan.

Galasya 3:26

Siginan nu nsadi am sa tam Fun Isus, anngayan am te, Dius at ngay sisian, aroro gafanud am sa anya.

Galasya 3:28

Nu katanya, we fagsamanun ya taw Udyu ay yud Udyu, ngay fagsuguan ay yud fagsuguan, mangama ay mangena. Fagayu am masadi tuam aroro sa ay nasadian sa tam Fun Isus.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.

Efesu 1:15

Nu katanya, siginan nu gdungug au sabaliwa ay fagafanudun sa tam Fun Isus ay nu kesug am Dius at ngay taw,

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Filipus 2:19

Gseg kwa fia te, tam Fun Isus nu kaylat, gsugu au sa ayu Timuteu laman sumaful au ngay barita sabaliwa ayu laman gfaksvn ku amatanganan.

Filipus 2:5

Famababauni tua kata tam Fun Isus.

Filipus 3:12

Kwa glong te, nabul kwan takatanya fagayu. Ay kwa yangay glong te, matuyan kwan. Dewa katanya, gugatan au namul kanya fag fagmatuyanun, aroro kanya tua tam Fun Isus at fagnauroun angku.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

1 Tesalunika 1:1

Ami fag tulu, Pablu, Silas ay Timuteu, griruk ami sa ayu sas furuan Tesalunika, Dius tam Mama ay tam Fun Isus at ngay nafili. Sumawa nangus fia ayu at fagmagalangun ay at fagmanabayanun.

1 Tesalunika 2:2

Nasaful wam te, naidapan ami ay nafalingunan sis furuan Filipus. Dewa katanya, tam Dius nafabitsug tua em amatanganan laman gfoyung ami sa ayu at Masine fag Barita dewa ngayu tagsalag emi.

2 Tesalunika 1:1

Ami fag tulu, Pablu, Silas ay Timuteu, griruk ami sa ayu sas furuan Tesalunika, Dius tam Mama ay tam Fun Isus at ngay nafili.

2 Tesalunika 1:10

Matuyan, umfasludan ban takatanya gina ban tam Fun at menit andasug laman ban at nafili fag ngay taw gseg ay gfauseganan anya. Ay anggan am kataip am sa anya fagayu aroro gafanud tuam sa em foyungan.

1 Timuteu 1:2

Timuteu, ku fakesugun ku sisian sas fagafanudun: siwa nangus fia emu fagmasineun, ay fagmagalangun, ay fagmanabayanun siginans Dius tam Mama ay Isus tam Fun.

1 Timuteu 3:8

Ay katatuy at masine ngay tagtanud at ugali: sik fagsuyuun tua, ay matuyan tua at aringang, ay di glanguan, ay di gfangalabian,

Titu 1:1

Au, Pablu, Dius at fagsuguan, ay tam Fun Isus at nasugu. Nasugu angku laman gfaksvn au Dius at nafili fag ngay taw at fagafanudun, ay gfasaful sa anya fagayu at fagmatuyanun sabaliwa nu gugali tua gfaning Dius.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

Filemun 1:1

Au, Pablu, at maubungan aroro sa tam Fun Isus, ay ste yangay tam faduksay Timuteu, griruk ami sa emu, Filemun, em fakesugun ay em faudgufudan gfakamulun,

Ebreu 13:23

Kaylat au gfasaful ayu te, em faudgufudan tam faduksay Timuteu nalfas wan siginans fagubungan. Ay kanya ban nu ndasug di vtv stae, gtaban kban anya gina au sa ayu.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

1 Pedru 2:25

Ebi kata am sik ngay tupa at malyaman, dewa katanya, kanya nafafoli yay ayu sa tam Fun Tagalaga ayu.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

Udas 1:1

Siginan angku, Udas, tam Fun Isus at fagsuguan, ay Santiagu at faduksay. Sas Dius at fakesugun fag ngay taw, ay tam Fun Isus at fagdiriun.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.

At Nafasure 1:20

Katatuy at masuksukan at masuad si ku siun fag daluap fag fituk galeme, ay fag fituk fagfatungkudan salung at mawatan siginans gintu. Kanya fag fituk galeme at masuad fituk tagbarita tagalaga ngay tagafanud sanya fag fituk furuan, ay kanya fag fituk fagfatungkudan salung at masuad kafag fituk furuan.”

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

At Nafasure 2:12

“Riruki sas tagbarita tagulit ngay tagafanud sis Pergamu te, “Tagbitbitan at maglat fag fiso tagsumbalian at uyup, glong te,

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

At Nafasure 22:9

Ay kanya nalong sa angku te, “Lagi, sik fagsuguan kyangay kata emu, ay Dius at ngay taglong, ay kata kyangay am ngay faduksay, ay fagayu tagfaning ste fag fafil at longan.”