Filemun 1:23 - Fanawbuid tagsibaliwas Fakayabian

²³ Epafras ku ufud ste at maubungan aroro sa tam Fun Isus glong emu te, O manabayan tuo?

Filemun 1:23 ပူးပေါင်းရင်းမြစ်များ

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

Kulusas 1:7

Nasaful am takatanya siginans Epafras, em fakesugun em faudgufudan, ay tam Fun Isus at fagsuguan at matuyan, ay em kaungbus tagsibo ayu.

Kulusas 4:10

Aristarku, ku ufud iste sis fagubungan taw, glong ayu te, O manabayan tuam? Katanya yangay anggan Markus, Bernabe at lagbe. Useganani fia fasakboi Markus nu ndasug sanya, kata ku suguan ayu.

Kulusas 4:12

Epafras tagsiginan ayu, tam Fun Isus at fagsuguan at sadi, glong ayu te, O manabayan tuam? Kabavn kanya maksvn nu gdarangin ayu, laman maksvn tua ay matuyan nu gfaning am tam Dius at fakaylatun.

Filemun 1:1

Au, Pablu, at maubungan aroro sa tam Fun Isus, ay ste yangay tam faduksay Timuteu, griruk ami sa emu, Filemun, em fakesugun ay em faudgufudan gfakamulun,

Filemun 1:9

Dewa katanya, aroro kesug au emu, gfalukmeanan au get sa emu. Au, Pablu, mafufuama kwan ay maubungan au aroro sa tam Fun Isus.