Filemun 1:20 - Fanawbuid tagsibaliwas Fakayabian

²⁰ Ku faduksay, nu katanya, glong au sa emu te, aylati ku fagetun sa emu aroro sa tam Fun. Fae fagmanabayanuni ku amatanganan aroro tagfaduksay ta sa tam Fun Isus.

Filemun 1:20 ပူးပေါင်းရင်းမြစ်များ

1 Kurintu 16:18

Kanya fag tulu nafasun tua angku ay anggan ayu. Esugi fia takatanya fag ngay taw.

2 Kurintu. 2:2

Aroro nu nafae fakabaluun kway ban ayu, sinu ya ban tagfasun angku? O nu nafae fakabaluun kro ayu, o nunda mafasun am angku?

2 Kurintu. 7:13

Ay aroro nafakamulun tuam takatanya, nafasun tuam emi. Ay gtungud yay kanya, nauseganan ami Titu at fagusegananun, aroro nafae fagmanabayanun tuam at amatanganan.

Filipus 1:8

Dius nasaful wa te, kesug au ayu fagayu kata tam Fun Isus nu kesug ayu.

Filipus 4:1

Nu katanya, ku fakesugun ku ngay faduksay, faksvni ay fagmasadiun sa tam Fun. Gyalagun au ayu. Am wan ku fagusegananun ay ku fakamatungudunun.

Filemun 1:12

Katsi gfafoli kwan sa emu ku fakesugun ku sisian Unesimu.

Filemun 1:7

Ku faduksay, anggan au guseganan kyangay ay ansun, aroro siginan nu kesug o, nafae fagmanabayanun tuo anya fagayu.

Ebreu 13:17

Faningi tua ay ngay tagfangguna aroro kanya fagayu tagalaga ayu sabaliwas fanfalad fag famanwanun. Ay sa ban tibak menit kanya fagayu mesa namoyung sas Dius sabaliwa at ngay nafakamulun. Nu gfaning tuam anya fagayu, kanya fagayu guseganan tua gfakamulun at ngay fanambagun, ay di gidapan. Aroro nu gfaidapan way am anya fagayu, we fanambagun sa ayu.

1 Uan 3:17

Sik taw nu e kwa ay kanya nu nalag at faduksay nu gayudan, ay nu dway nagubuk, o Dius at fakesugun si anya?

3 Uan 1:4

We gtungud ya ku fagusegananun nu nadungug au te, ku ngay sisian sas fagafanudun gfaning tua at matuyan.