Filemun 1:17 - Fanawbuid tagsibaliwas Fakayabian

¹⁷ Nu katanya, nu am fagadgalangan au fia, aylati wan anya, kata nu kaylat o angku.

Filemun 1:17 ပူးပေါင်းရင်းမြစ်များ

Mateu 10:40

“Nusnga sinu tua takaylat ayu, kaylat yangay angku. Ay nusnga sinu takaylat angku, kaylat yangay at nasugu angku.

Mateu 18:5

Ay nusnga sinu takaylat takata tuy fag sisian, aroro kesug angku, kaylat yangay angku.

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Fakamulun 16:15

Sanya ginan, Lidya ay fagayu tagbanwan sit bale ansurung wan. Ay maksvn Lidya nu gfabulun emi te, “Nu gtuyan tuam angku te, sik tagafanud kwan sa tam Fun, taglayuni sa em bale.” Ay aroro maksvn nu gfabulun ggewan emi, nanangalo ami anya.

2 Kurintu. 8:23

Ay tam faduksay Titu ku faudgufudan ay ku taggubuk sa ku ngay fakamulun. Ay at nanangalo anya fag duak faduksay, ngay tagafanud sa sangay furuan at nafili, ay duama at fakamulun gfauseganan tam Fun Isus.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

Filipus 1:7

At masine nu gamatangan ktua gugat takatanya sabaliwa ayu fagayu aroro matuyan te, kesug au ayu. Am ku faudgufudan gbul Dius at fagmagalangun, dewa gina au maubungan ay dewa gina au kamoyung at Masine fag Barita at kamatuyanan, ay gina au gfaksvn ngay taw at fagafanudun.

1 Timuteu 6:2

Ay sik fagsuguan at tagfayafun nu sik tagafanud, lag gyud gsuyu aroro duksay sas fagafanudun. Nu bunway, kafag fagsuguan faugati yap nu gfaning at tagfayafun aroro kanya gafanud yangay ay Dius kesug anya, ay e tungkul tua sa anya at fagmafaningun. Fafasludani foyungi takatanya fagayu.

Filemun 1:10

Get au sa emu laman sa ku sisian Unesimu ku nataban sas fagafanudun gina au maubungan ste.

Filemun 1:12

Katsi gfafoli kwan sa emu ku fakesugun ku sisian Unesimu.

Filemun 1:18

Kanya nu e asalanan way ay e bedan sa emu, sa waban angku nu get o.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

Ebreu 3:14

Fagayu tam ansadi watam fia sa tam Fun Isus nu maksvn tua ban gugat nu gafanud tam sa anya sitsigons fakatabuan.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

1 Pedru 5:1

Maksvn nu glong au sa ayu tagfagtainan ngay tagafanud te, au sik fagtainan kyangay, at nalag tam Fun Isus at ngay naidapanan, ay e afud kyangay at fagmasineun takadasug yay ban.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.