Fangatulun 8:9 - Fanawbuid tagsibaliwas Fakayabian

⁹ Ku ngay nalong mayamag ay mafanud sa sik taw tagsaful gtogdungug.

Fangatulun 8:9 ပူးပေါင်းရင်းမြစ်များ

Fangatulun 14:6

Takamalingun fag taw, wa kae fagsafulun. Dewa katanya, sik taw tagtogdungug, masakit tua nu kae fagsafulun.

Fangatulun 15:14

Sik taw tagsaful gtogdungug, kaylat tua nu kafamut at fagsafulun, dewa katanya, at yud mamatanganan fag taw, gugatan yangay sat fagyudun mamatanganan.

Fangatulun 15:24

Ke fagsafulun fag taw nu glao, sa tua sdalan tagsas leleg laman masaruy fakabulun.

Fangatulun 17:24

At mamatanganan fag taw gugatan tua nangae fagsafulun, dewa katanya, at yud mamatanganan, nusnga setaw way lang at amatanganan.

Fangatulun 18:15

At ke fagsafulun fag taw ay tagsaful gtogdungug, kaugat yay nu kaylat kae fagsafulun.

Fangatulun 3:13

Mauseganan sik taw ke fagsafulun ay fagmatogdungugun,

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Mikas 2:7

Ay wain, o nunda ban Yawi namaurianan wan Akub at kasugfunanan? O nunda we amatanganan ya gfalyam kafag ngay taw at asalanan? Ay o nunda at fakamulun wan tagfabul? Katatuy Yawi at famalus, “Ay fakamulun nu masine di, magbilug tua ban am ku ngay fatuyanan.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.