Fangatulun 10:3 - Fanawbuid tagsibaliwas Fakayabian

³ Yawi di gfalunus at matuyan fag ngay taw, dewa katanya, wa gfadiuganan at mauri fag ngay taw at algan.

Fangatulun 10:3 ပူးပေါင်းရင်းမြစ်များ

Ub 15:23

Kanya nusnga nday way lang nu grvbvy at fakonun, ay kanya nasaful te, gakabulun wan.

Ub 20:28

Ay gina ban Dius nafadasug at dotama, lugwak ban namalimus at bale.

Ub 5:20

Kanya gfalangfe emu galay e fanlunus ay galay e gawayan.

Alubad. 10:14

Dius, glag way o ngay taw ke maksvn fag fagidapun ay takabalu. Ngay taw at mafanyuan ay at yud e kalongan ya gafanud sa emu, ay ggubuk tuo anya.

Alubad. 112:10

Ay at mauri ban fag ngay taw lumag takatanya, ay gfaringgit ban at ngay bagang at kaksvnan nu kadotama, ay kata ban nu katinas at kaksvnan nu kapla. Ay at ngay algan ban wa kafasludan.

Alubad. 33:19

Ay gfalangfe tua anya fagayu siginans fakabulun, ay galaga gina buknga fanlunus.

Alubad. 37:19

Kanya fagayu dewa anke fagidapun, di kapla, ay dewa andasug fanlunus, kasakan tua gugat.

Alubad. 37:25

Siginan nu masisian au dasug katsi, kya batang glag Yawi nu gfabayan at matuyan fag ngay taw, ay at ngay sisian nu gfangetan.

Alubad. 37:3

Afanudi sas Yawi, ay fakamuluni at masine. Ay gbanwan ban o manabayan iste fag talun.

Fangatulun 13:25

At matuyan fag taw e fakonun tua gugat, dewa katanya, at mauri fag ngay taw kabavn kalunus way.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Fangatulun 28:25

Sik taw tagfangalabian, gfasigad awayan, dewa katanya, sik taw nu gafanud tua sas Yawi mul tua fagmaramramanun.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 33:16

Takatanya fag ngay taw at kumlangfe siginans faurianan. Kanya nu gbanwan kata nu si tua tangabat ay at mogat fag furuan, sit ke tagbia fag ngay gang fagsarirungan. Ay wa ban kamin at fakonun ay at fanginum.

Sefanias 1:18

Gina kban gfaurianan fag menit, we mafalangfe anya fagayu, dewa at ngay salapi ay at ngay gintu. Ku dotama kata afuy tagirug fagdaul daga. Ay masakit nu gfamin au fagayu tagbanwan sas fagdaul daga.”

Lukas 12:31

Abat ngate am gafanawa, ugatani yakman te, setain Dius nu gfagtainan fia ayu, ay Dius gfon ban sa ayu fagayu ay fagayudanun.