Fakasigadan 41:57 - Fanawbuid tagsibaliwas Fakayabian

⁵⁷ Ay arvs fagayu talun at ngay taw nalao sas Igiptu laman namayad fakonun sas Use aroro nusnga nday maksvn wan nu malunus.

Fakasigadan 41:57 ပူးပေါင်းရင်းမြစ်များ

Fakasigadan 12:10

Sis talun Kanaan malunus, nu katanya, Abram ay at ngay ufud nalao sas talun Igiptu laman namanwan sanya, aroro ginanya maksvn nu malunus.

Fakasigadan 41:54

Ay andasug wan kafag fanlunus daul fag fituk banwa kata Use at longan ebi. Ay si way langs talun Igiptu at ke fakonun.

Fakasigadan 41:56

Ay dewa nday fag talun kalunus. Ay Use nafafaluang wan sa sangay furuan at ngay fagfungsuan gutluan ay nafalao fakonun sa sangay taw Igiptu.

Fakasigadan 42:1

Akub nu nasaful te, sis talun Igiptu e gfalao fakonun, nalong sat ngay baguama te, “Nataw ya ay fagfanyaun?

Fakasigadan 42:5

Ay Akub at ngay baguama nalao sas talun Igiptu ay e galo yangay tagsiginan tibak furuan laman namayad fakonun, aroro anggan tagsis talun Kanaan kalunus wan.

Fakasigadan 42:6

Use at fanambagun gina sia gfunan sis talun Igiptu, tagsugu sat ngay fagsuguan laman gfalao fakonun sa sangay taw. Ay at ngay faduksay nu ndasug sas talun Igiptu narungan sas Use at daga salubangan gfalag te, kamababaun.

Fakasigadan 43:1

Ay ankaksvn at fanlunus sas Kanaan.

Fakasigadan 47:14

Use nafaful ngay taw Igiptu ay ngay taw Kanaan at ngay salapi at famayad fakonun, ay nabuba sas Igiptu at fun at bale.

Fakasigadan 50:20

Anud, ebi nafakamulun am sa angku at mauri, dewa katanya, Dius at algan sa tuas fagmasineun, siginan nu gfalangfe ngayuk taw.

Deuterunumyu 9:28

Nu nafabul ban o am ngay taw, ngay taw Igiptu ban lumong te, ‘Yawi nafabul anya fagayu aroro wa makatu gtabanan sat nafatuyanan fag daga.’ Ay lumong ban te, ‘Yawi nafabul anya fagayu aroro kauri. Kanya nafalfas anya fagayu siginans talun Igiptu ay nataban sas talun at yud e taw laman namabul.’