Fakasigadan 22:9 - Fanawbuid tagsibaliwas Fakayabian

⁹ Ay talame nu ndasug wan sas Dius at foyungan anya fag buksul, Abrayam nawat sik fagirugan fanggalangun, ay nafoli at ba sarab sit tungud. Ay sanya ginan, kanya nasiuk Isak at take ay at bitis ay nafataygilidan sas tungud fagirugan.

Fakasigadan 22:9 ပူးပေါင်းရင်းမြစ်များ

Santiagu 2:21

Tam mangaguyang Abrayam antap kata sik taw at yud e asalanan, siginan at fakamulun, gina nafasas tungud fagirugan fanggalangun at baguama Isak.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.

Ebreu 9:28

Katanya yangay, tam Fun Isus sadi ginan way gfon at sadili laman sik fanggalangun famalyam fagayu taw at ngay asalanan, ay kanya ban gdog yay kadasug, bunwa te, laman namamin ngay asalanan nu bunway laman namalangfe tua fagayu tagfanya anya.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

Galasya 3:13

Wa tam mafafaning Muisis at Faugali fagayu, ay nu katanya, Dius nafaurianan antam. Tam Fun Isus anfaurianan laman sa antam, ay nafalfas antam siginan takatanya fag faurianan. Aroro katatuy at kinriruk sit Rirukan te, “Nusnga sinu at kinrabing sa sik kayu gafaurianan.”

Fakamulun 8:32

Katatuy at fagtapun fag afud rirukan sis Dius at Longan: “Kanya kata sik fagfilasun fag tupa, ay kata sik tupa riangan di guni gina e gufo at sigyu, ay di yangay nafasuang at bibig.

Markus 15:1

Balabag di, ngay fun tagfon fanggalangun ay sik ngay fagtainan ay ngay tagfoyung Muisis at Faugali ay anggan taw Udyu at ngay tagfangguna fagayu maful laman gkamatoan. Ay nasiuk Isus ay nataban sas Pilatu.

Mateu 27:2

Ay kanya fagayu nasugu laman gsiuk Isus ay gtaban sas fun Pilatu.

Alubad. 118:27

Yawi at matuyan fag Dius, ay kanya gyamag antam. Bubai fanggalangun, ay siuki sas tungud fagirugan.

Fakasigadan 12:7

Sanya ginan, Yawi ansure sas Abram ay nalong anya te, “Gfon kban sam ngay kasugfunanan ste fag talun.” Ay Abram nawat sik fagirugan fanggalangun laman sas Yawi aroro sat nasurean sa anya.

Fakasigadan 8:20

Ay Nui nawat fagirugan fanggalangun laman sas Yawi. Sanya ginan, kanya nabul ngay mangilafang at masine ay anggan yangay manuk tungud at masine, ay nairug sas fagirugan laman at fanggalangun sas Yawi.

Fakasigadan 12:8

Siginan ginanya, Abram ay at ngay ufud nalin sas talun buid sas Betel, ay sanya nu kawat sik bale ramit sis Betel ay sis Ai at wabilug. (Betel tagsis fakayabian ay Ai tagsis fakamenitan.) Abram nawat yangay sik fagirugan fanggalangun ay sanya nu gseg Yawi.

Fakasigadan 13:18

Nu katanya, Abram nafalin at bale ramit ay gbanwan munakbang sis Mamre at fagagbilugun fag ngay fun kayu ayu daul, sis furuan Kebrun. Ay kanya nawat sanya at fagirugan fanggalangun ay naseg Yawi.

Fakasigadan 22:8

Ay Abrayam nabalus te, “Ku baguama, tagfon ro anta ta fanggalangun fag tupa, Dius wan.” Ay talame gfataglayun nu glao.

Fakasigadan 22:10

Ay Abrayam nabul at fiso ay gina ganamabulun Isak,

1 Fun 18:33

Ay kanya nafasine yangay famaygang sit tungud fagirugan, ay nafataygilidan baka tama sis tungud famaygang. Ay nalong sanya fag ngay taw te, “Ugwagi ufatk baringan mamam sas fanggalangun ay famaygang.”