Fakasigadan 22:4 - Fanawbuid tagsibaliwas Fakayabian

⁴ Ay nu glao nu siwas fatuluk menit, Abrayam nalag te, wa ngayayu ya kanya fag talun.

Fakasigadan 22:4 ပူးပေါင်းရင်းမြစ်များ

Fakasigadan 22:3

Balabag di, Abrayam masurip nu kafulo ay kamalse at famaygang gina ban namon fanggalangun, ay nafasat asnu at tungud guyuy. Abrayam glo wan gadgaloan Isak ay at fagsuguan fag duak mangama, sas Dius at nafoyung anya fag talun.

Fakasigadan 22:5

Nu katanya, Abrayam nalong sat fagsuguan fagdua te, “Ste yap am ay alagai tam asnu, kafoli way romi vtv. Gundaud yaymi sas buksul laman nanseg Dius.”

2 Fun 20:5

“Afolii sas Esekyas, ku ngay taw at fun, ay longi anya te, ‘Katatuy am mangaguyang Dabid at Dius Yawi at longan: Nadungug au am darangin ay nalag au am liasun. Nu katanya, namafia au emu. Si bans fatuluk menit, makabangkad tuo, ay malao sas Yawi at bale.

Ester 5:1

Gina sis fatuluk menit, Ester nasulun at fagsulunun gugat fag lanbung at famatoglag te, fun at mangena, ay kanya namalindug sis fun at basad bale gsalubang sat fun at suluk. Ginanya, fun malunggung sit faglunggungan ay gsalubang sabaliwas sakbawan.

Nu Galin 15:22

Ay Muisis natabanan ngay taw Israel siginans Dagat Maraska sas Sur fag talun at yud e taw. Tuluk menit ngay taw Israel nu glao sas talun at yud e taw ay we nalag mamam sanya.

Nu Galin 19:11

Tuyani fia te, sis fatuluk menit kanya fagayu mafalganan wan, aroro ginanya ban fag menit, au Yawi, kadaga au sas Buksul Sinay, ay ngay taw glag fia angku.

Nu Galin 19:15

Muisis nalong yangay anya fagayu te, “Falganani ay ngay sadili laman ban sas fatuluk menit. Ay lag yap am namataladan ay ngay bubay.”

Nu Galin 5:3

Muisis ay Arun gbalus te, “Ngay taw Israel at Dius ansure sa emi. Nu katanya, aylati nu glao ami kaduge tuluk menit sas talun at yud e taw laman namon ami fanggalangun ay nanseg ami Yawi em Dius, aroro nu dway ro mi nasanya, kanya gfabul emi siginans fakasaitun ay mannga sas awayan.”

Usea 6:2

Ay kata nu nbul watam, ay kanya yangay at mafaleleg antam, laman mabanwan tam sit daga salubangan.

Lebitiku 7:17

Ay nu e sawad yay anggan sis fatuluk menit, irugi wan.

Tap 10:33

Nu katanya, kanya fagayu nalao siginans Yawi at nafili fag buksul kaduge tuluk menit. Fagsuadan Nasadian si gugat at fagunan laman gfoyung at fagfiangalayan.

Tap 19:12

Masine nu gfasine at sadili gina sis fatulu ay fafituk menit siginans famasine fag mamam. Sanya ginan, tuyani anya te, masine. Ay kanya nu dway nafasine at sadili sis fatulu ay fafituk menit, lag gtuyan anya te, masine.

Tap 19:19

Sis fatulu ay fafituk menit, at kinsine fag taw gfaramsig kafag famasine fag mamam sa sangay taw at masuya. Ay sis fafituk menit, kafag taw nu masine wan, kanya masine nu gbakbak at lanbung ay nu gigus, ay ginanya fag yabi, tuyani anya te, masine wan.

Tap 31:19

Ay nusnga sinu si ayu at nated sat kinbul ay mannga nafabul sik taw, masine nu gbanwan sat lod fagmafulan gina fituk menit. Sis fatulu ay sis fafituk menit, masine nu gfalanu am ay anggan ay ngay natabanan.

Mateu 17:23

Ay kanya fagayu gfabul ban angku, ay si bans fatuluk menit, e gfadog yay ban gfaleleg angku.” Ay at ngay tagadal nu nadungug takatanya, maksvn nu kabalu.

Lukas 13:32

Ay Isus nabalus te, “Afolii wan ay nanlong am sanya fag idu talun te, ‘Dungugani, katsi ay anggan ban balabag gaiyan au at mauri fag ngay falad ay gfafia kyay ngay taw at fakasaitun, ay si bans fatuluk menit gfatabu kwan ku fakamulun.’

1 Kurintu 15:4

Ay e nanamoli anya, ay sis fatuluk menit, Dius nafadog nafaleleg anya kata yangay at marirukan sis Dius at Longan.

Uswe 1:11

“Loi sa sangay taw at ngay bale ay nanlong am sa anya fagayu te, ‘Falganani ngay fakonun aroro si bans fatuluk menit, nandife tam Liskung Urdan laman nangagbilug tam Dius at nafon antam fag talun.’ ”

1 Samwel 26:13

Ay duama naundaud sa sik buksul munakbang sis Saul at fagmafulan, ay Dabid nanangabanaw sas tungud buksul.