Fakasigadan 17:16 - Fanawbuid tagsibaliwas Fakayabian

¹⁶ Gfadante kban anya ay gfon kban emu sik sisian siginan anya. Ay sia ban ngayuk gaban taw at mina ay tiba ban at kasugfunanan sik ngay fun.”

Fakasigadan 17:16 ပူးပေါင်းရင်းမြစ်များ

Fakasigadan 35:11

Ay Dius nalong yay fia anya te, “Au at mabalyanan fag Dius. Ngayu ban am sisian. Ay o yangay talun Israel at mama ay anggan tiba yangayk talun at mama, ay tiba ban am kasugfunanan umsik ngay fun.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Fakasigadan 17:6

Ay gfayu kban am ngay kasugfunanan, ay siginan ban emu ngayuk gaban taw, ay kanya ban tiba nangasik ngay fun.

1 Pedru 3:6

Katanya yangay Sara at nafakamulun. Kanya gfaning tua Abrayam, ay nafangayan anya te, at fun. Anggan am katap yangay am te, Sara at ngay sisian, nu gfakamulun tuam at matuyan, ay nu ddi am e fakalimuun nusnga setaw.

Ruma 9:9

Aroro ebi Dius nafatuyanan te, Kafoli kban kata katsi fag buknga, ay Sara gfasalug ban sik munama.

Fakasigadan 24:60

Laban ay Betuel nadarangin Rebeka gina galoun. Kanya fagayu nalong te, “Faduksay, ngayu tua ban nangus am kasugfunanan. Ay am ngay kasugfunanan ban nangus namabo at ngay fawayan.”

Fakasigadan 12:2

Ay namayu kban am kasugfunanan, ay gfadante au emu, ay namasik takadungug au am ngayan. Ay siginan emu gfadante kban ngayuk taw.

Fakasigadan 1:28

Ay Dius nafadante ay nalong te, “Ayui laman ban ay ngay sugfun rumapyagan ay nangagbilug sas fagdaul daga. Ay alagai yangay ban fagayu tagleleg: tagfioan, taglayug, taglao, ay anggan tagalafang.”

Galasya 4:23

At baguama sit fagsuguan ansalug tua fia kata tibak sisian. Dewa katanya, at mangena fia at sisian ansalug laman gfafasludan Dius at fatuyanan.

Fakasigadan 17:15

Yawi gdog yay nalong sas Abrayam te, “Wa ban o gngayan ya am mangena te, Saray, nu bunway nu guro ban o anya Sara wan.

Fakasigadan 17:19

Dius nabalus te, “Katatuy tua at matuyan: am bubay Sara gfasalug ban sik munama ay fangayani ban anya te, Isak. Namataglayun kban ku nasadian sa emu anggan sa am ngay kasugfunanan kabavn ban.

Fakasigadan 21:1

Yawi ankakbang sas Sara ay nafakamulun sa anya kata at fatuyanan.

Fakasigadan 25:23

Ay Yawi nalong sa anya te, “Tagsi am ungdan fag duak sisian, kanya ban duak talun at taw, ay kanya ban fag duak gaban gawayan. Ay at sadi ban amabalyanan yap tua. Ay at kaka ban gafagsuguanan way sat arian.”

Fakasigadan 36:31

Kayu tuy Edum at ngay fun ebi gina yud e fun sis Israel:

Fakasigadan 15:4

Ay Yawi nabalus te, “Bunwa ban am fagsuguan at nangagbilug am ngay ramraman, nu bunway am sisian tua ban fia.”