Fakasigadan 16:2 - Fanawbuid tagsibaliwas Fakayabian

² Saray nalong sas Abram te, “Aroro Yawi wa kaylat nu e sisian au, masine nung o sa ku fagsuguan fag mangena. Bangaran ban umke sisian au siginan anya.” Ay Abram nafaning at mangena at longan anya.

Fakasigadan 16:2 ပူးပေါင်းရင်းမြစ်များ

Nu Galin 21:4

Ay nu at tagfayafun yay at nafae indugan anya ay kanya nu nke sisian, kanya kalfas sis fafituk banwa, dewa katanya, at indugan ay at ngay sisian kafamato way sit tagfayafun.

Fakasigadan 18:10

At sadi at betaw nalong te, “Matuyan, kafoli kyay ban sat fadogan fag banwa kata katsi fag buknga, ay am mangena Sara gfasalug ban sik munama.” Ay Sara mangaro gdungugan way sisad bale.

Fakasigadan 3:17

Ay Yawi nalong sas Adan te, “Aroro nadungugan o am bubay ay naon o kafag kayu at rawvg ku nalong te, lag kon, namauri kban lutuk. Kaduge ban o gleleg, gidapan o gugat gfakamulun laman e fakonun o.

Alubad. 127:3

Ngay sisian sik famonun siginans Yawi.

Rut 4:11

Ngay fagtainan sis furuan ay fagayu taw at malindug sis sakbawan furuan gbalus te, “Kin, ami wan tagfatuyan. Nangus ban am bubay umke ngay sisian kata Yawi at nafakamulun sas Rakel ay Lia at kin-ke ngay sisian, ngay taw Israel at fagsigadan. Ay o Buas, nangus umsik maramraman o sis Efrata ay umsik takadungug sis Betleem.

Fakasigadan 30:22

Ay Dius wa yangay nalyam Rakel. Kanya nabalus at darangin ay Rakel nafafion.

Fakasigadan 25:21

Rebeka garanas, ay Isak nadarangin sas Yawi laman kae sisian. Yawi nadungug at darangin ay Rebeka nafafion.

Fakasigadan 17:16

Gfadante kban anya ay gfon kban emu sik sisian siginan anya. Ay sia ban ngayuk gaban taw at mina ay tiba ban at kasugfunanan sik ngay fun.”

Fakasigadan 3:12

Ay mangama gbalus te, “Am nafon angku fag mangena nafon angku kafag rawvg ay naon au.”

Fakasigadan 30:6

Rakel nalong te, “Dius nafalyam tua ku fakaplaun aroro nabalus ku darangin ay nafon angku sik sisian munama.” Nu katanya, kanya nafangayan kafag munama te, Dan.

Fakasigadan 19:31

Sik menit, at faglon nalong sat arian te, “Ta mama mafufuama wan ay ste we mangama ya at namataladan anta kata sas fagdaul daga at taw at fakamulun.

Fakasigadan 11:30

Saray wa gsisian aroro garanas.