Fakasigadan 13:7 - Fanawbuid tagsibaliwas Fakayabian

⁷ Ay talyai at ngay tagalaga fagbaugun gawayan way. (Ginanya fag buknga ngay taw Kanaan ay ngay taw Peres sanya yay fag talun nu gbanwan.)

Fakasigadan 13:7 ပူးပေါင်းရင်းမြစ်များ

Fakasigadan 10:19

Kanaan at ngay taba daga sabaliwas siun fag alvngvdan siginans Sidun sitsigons Gerar. (Gerar munakbang sis Gasa.) At ngay taba sabaliwas fakamenitan siginans dagat sitsigons Suduma ay sas Gumura ay sas Adma ay sas Sebuyim. (Sebuyim munakbang sis Lasa.)

Fakasigadan 12:6

Nu ndasug sas Kanaan, kanya fagayu nafataglayun nu glao yakmay andasug sa sik fun kayu ayu daul sis Mure at munakbang sis furuan Sekem. (Ginanya sanya yay fag talun ngay taw Kanaan.)

Fakasigadan 21:25

Dewa katanya, Abrayam nafayud Abimelek sabaliwa at ngay fagsuguan at naago fag bubun.

Fakasigadan 26:20

Ay sik ngay tagalaga tupa tagsiginans Gerar nafabadbaboan Isak at ngay fagsuguan, ay kafag duak gaban glong te, “Ami way tagagbilug tuy fag bubun.” Ay Isak nafangayan kafag bubun te, Esek, aroro kanya fagayu nafabadbaboan anya.

Fakasigadan 34:30

Akub nalong sas duksay Simyun ay Lebi te, “Nafon am angku sik maksvn fag fagidapun. Katsi ngayu takauri angku, taw Kanaan ay taw Peres. Kanya ro fagayu nu nsadi way ay nu nanamawayan way ro antam, wa tam e kasakan taw laman tagbalabag antam. Kanya ro fagayu makatu way gfaurianan fagdaul ku talananan.”

Fakasigadan 46:34

longi ro sa anya te, ‘Siginan nu masisian ami, sik tagalaga ami ngay fagbaugun kata em ngay fagtainan,’ laman ro kanya gfabanwan ayu anggan ay ngay fagbaugun sis Gusen, aroro ngay taw Igiptu kauri way fagayu tagalaga tupa.”

Nemyas 5:9

Ay gfataglayun au glong te, “Wa masine ay fakamulun. Banwani tua suyui Dius, laman tam fawayan fag ngay talun at taw di gfalingun antam.

Nu Galin 2:17

Ay e ngay tagulit yangay fagbaugun at kindasug sanya, ay kanya fagayu naiyan kafag ngay baguina ay at ngay fagbaugun. Dewa katanya, Muisis nagubuk kafag ngay baguina ay nafainum at ngay fagbaugun.

Fangatulun 20:3

Tagsaruy at mauri, kanya tagfatoglag at fagmasineun, ay sik yud way e fagsafulun takaylat awayan.

Markus 3:25

Ay katanya yangay at kumfasludan sa sik talafuan tagawayan gugat.

1 Kurintu 3:3

Aroro gfaning yayam ay bilug at fakaylatun. Gfangalabian yayam ay gawayan, takatanya ay fakamulun gfatuyan te, gfaning yayam ay bilug at fakaylatun ay fagdaul daga at ugali.

Galasya 5:20

ay nu gseg at yud matuyan fag ngay fagsegan, ay fagfangufitun, ay fakauriun ay iba, ay fakamawayanun, ay fagfangalabianun, ay fagfangadotamaun, ay fakamasadiliunun, ay fagbadbaboanun, ay faginkafudanun,

Kulusas 4:5

Mamatangani tua nu gfadgaloan am at yud gafanud ay lag gfangulan ay buknga.

1 Tesalunika 4:12

laman at yud gafanud sas Dius lumag te, manabayan tua nu mabanwan am, ay diam gsefu ay iba.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.

Santiagu 3:16

Ay nu inda fagfangalabianun ay fakamasadiliunun, sanya ginan wan tagfayud e fagmanabayanun, ay nusnga setaw fag fakamulun at mauri.

Santiagu 4:1

Daginan ay fagbadbaboanun ay ay fakadkaurianun? O nunda bunwa siginan ay ngay mesa fakaylatun tagbadbaboan si ay ngay amatanganan?

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.