Fakasigadan 10:2 - Fanawbuid tagsibaliwas Fakayabian

² Afet at ngay baguama: Gumer, Magug, Medya, Aban, Tubal, Mesek ay Tiras.

Fakasigadan 10:2 ပူးပေါင်းရင်းမြစ်များ

Fakasigadan 10:1

Katatuy at fansulitan sabaliwas Nui at ngay baguama ay sat mesa kasugfunanan: Sem, Kam ay Afet. Nu nlangfe lino daul, duksayan anke ngay sisian.

Fakasigadan 10:21

Sem, Afet at kaka e ngay baguama yangay. Kanya Eber at ngay kasugfunanan at mangaguyang.

Fakasigadan 9:27

Dius ban nangus gfabia Afet at talun. Ay Sem ban nangus at gaban namanwan sas Afet fag gaban. Ay Kanaan ban nangus Afet wan at fagsuguan.”

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

Alubad. 120:5

Afanyuan au, aroro nu gbanwan au magamut way sit mauri fag ngay taw sis Mesek ay sis Kedar.

Isayas 66:19

“Namalag kban at madulo sa anya fagayu. Ay fagayu ban at sawad gsugu au sa sangay talun Tarsis, Pul, Lud (ngay taw Lud saful gagbilug godun), ay sas Tubal, Gresya, ay sa tiba yak talun tangayayu yud batang gdungug sabaliwa ku fagmasineun, ay yud batang glag ku fagmabalyananun. Kanya ban fagayu namoyung sanya fag ngay talun at taw sabaliwa ku fagmabalyananun.

Esekyel 27:19

Ay ngay taw tagsiginans Dan ay ngay taw Gresya tagsiginans Usal nanamabangsi yangay sa emu ay at famayad ngay sanbung ay ngay famasuglat fakonun.

Esekyel 27:7

Am famalabag tagmara laman gfalao sakayan lino, mawatan siginan at mafasinean fag ramit at masine tagsiginan yays talun Igiptu ay nu kadama kata sik fakatoglagan fag ramit. Ay am ugun gridrirukun mameloan ay maubian siginans furuan Elisa fag tigyangan dagat.

Esekyel 32:26

“Ay Mesek ay Tubal at ngay fun sanya yangay. At fagfolian magamut yangay at ngay tagfawayan. Kanya fagayu wa gafanud sas Dius, ay anbul yangay sis awayan. Ay kaduge kanya fagayu gleleg, nafalimu ngay taw.

Esekyel 38:15

Kadasug ban o siginan am talun tangayayu tagsibaliwas fawalan fag alvngvdan, gadgaloan ngayuk talun at ngay tagfawayan, gsakay sit ngay kabayu, ay ngayu ban am.

Esekyel 38:2

“Taw at baguama, nansalubang o sabaliwas talun Magug, ay nangaringang o sas Gug fag tagfangguna talun Mesek ay Tubal.

Esekyel 38:6

Gumer ay Bet-Tugarma tagbanwan sibaliwas fawalan fag alvngvdan nangalo yangay emu gadgaloan at ngay tagfawayan. Ngayuk talun at nangalo emu.

Esekyel 39:1

Yawi nalong sa angku te, “Taw at baguama, nangaringang o at mauri sas Gug, nanlong o anya te, ‘Au, Fun Dius Yawi, glong au te, Gug, ku fawayan o, o fag tagfangguna sis Mesek ay sis Tubal.

At Nafasure 20:8

ay gduksun laman nandaya fagayu talun at ngay taw sas ufatk fugungan daga, at masuad Gug ay Magug, ay kanya namaful kafag ngay taw laman namalganan namawayan. Kafag ngay taw kayu slagnas sis tigyangan dagat.