Fakamulun 8:9 - Fanawbuid tagsibaliwas Fakayabian

⁹ Ay sanya e sik mangama at ngayan Simun. Kanya saful gfasure at madulo. Ngaduge wan kanya nu gfakamulun gugat katanya sa sangay taw sis furuan Samarya. Ay kanya nafamatungudun te, e fagmabalyananun.

Fakamulun 8:9 ပူးပေါင်းရင်းမြစ်များ

Nu Galin 7:11

Ay Igiptu at fun nafauro yangay at ngay taw ke fagsafulun ay ngay tagsaful gfasure at ngay madulo. Siginan kafag ngay taw at fagmabalyananun, kanya fagayu nafasure yangay takatanya fag madulo.

Nu Galin 7:22

Ay ngay tagsaful gfasure at ngay madulo nafakamulun yangay takatanya siginan at ngay fagmabalyananun. Nu katanya, Igiptu at fun nafamaogatun yay fia. Ay kanya wa gdungugan Muisis ay Arun, kata Yawi at longan.

Nu Galin 9:11

Ay anggan ngay tagsaful gfasure at madulo anke ngay yapvs yangay kata at kaiban fag ngay taw Igiptu, nu katanya, kanya fagayu wa masalubang ya Muisis.

Lebitiku 20:6

“Kadotama au ngay taw taget gubuk sa sangay taw tagfakamatoan ngay kinbul at ngay at ngay falad. Kwa ban gtuyan ya anya fagayu te, ay ngay kaiban.

Uan 7:18

Nusnga sinu tagfoyung nu siginan way at sadili foyungan, kanya gfauseganan way at sadili. Ay dewa katanya, nusnga sinu tagfoyung nu gfauseganan tua sat nasugu anya, kanya wan at matuyan ay at yud e asalanan.

Fakamulun 13:6

Ay kafag tulu anfagdaul furu Sipre yakmay andasug sas furuan Pafus. Ay kafag tulu nafablang sik taw Udyu at makatu gfasure at ngay madulo, ay kanya kamuagan te, sik taglong; kanya at ngayan Bar-Isus.

Fakamulun 13:8

Kafag taw at makatu gfasure at ngay madulo at ngayan sas Griegu, Elimas. Kanya nasalag Bernabe ay Saulu, laman kafag fun wa gafanud sas Isus.

Fakamulun 5:36

Ebi, e sik taw at ngayan Teudas, kanya andasug ay kamatungudun te, e fagmabalyananun. Kanya e ufatk sandank taw. Ay dewa katanya, e nafabul anya ay at ngay taw nasaruayan wan ay at adgaloanan wa nke tungkul.

Fakamulun 8:11

Ngayuk taw tagdungugan anya, aroro ngaduge wan kanya nu gfasure at madulo fag ngay fakamulun.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

2 Timuteu 3:2

Ngay taw ban kamasadiliun, ay galabian salapi, ay kamatungudun, ay kamuag, ay glong at mauri sat ngay iba, ay kamabo at fagtainan, ay wa saful gfauseganan sas nusnga sinu dewa e nafakamulun sa anya at masine, ay wa gfaning Dius.

2 Timuteu 3:5

ay kamaningan glong te, “Gfaning ami Dius,” dewa katanya, we kalag sit ugali ay sit fakamulun. Lag o gfaning takatanya fag ngay taw.

2 Pedru 2:18

Kafag ngay taw kamaseganamaun nu garingang, dewa katanya, we tungkul at foyungan. Ay kanya fagayu gfamatanganan sas fagfanugtugun laman gfaylatan gfafoli sas asalanan ngay taw at bagu yay kalfas siginan at yud matuyan fag ngay ugali.

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.